Mich­ael Flynn, fyrr­ver­andi þjóðar­ör­ygg­is­ráð­gjafi Don­alds J. Trump, Banda­ríkja­for­seta, hefur játað að hafa logið að banda­rísku alrík­is­lög­regl­unni FBI og hyggst vinna með yfir­völdum að frek­ari rann­sókn á tengslum Rússa við kosn­inga­bar­átt­una í Banda­ríkj­unum í fyrra. 

Í umfjöllun New York Times segir að Flynn hafi ákveðið að vinna með sak­sókn­ar­an­um, Robert Muell­er, og teymi hans, eftir að honum voru settir afar­kost­ir, sem meðal ann­ars beindust að því að yfir­völd myndu taka þátt sonar Flynn, Mich­ael Flynn Jr., til sér­stakrar frek­ari skoð­un­ar, með ákæru í huga. 

Talið er að Mueller og teymi hans beini nú spjótum sínum að Jared Kus­hner, tengda­syni for­set­ans, en hann er sagður hafa verið í sam­skiptum við Flynn og reynt að koma á sam­bandi við Rússa.

Flynn var þjóðar­ör­ygg­is­ráð­gjafi Trumps í rúm­lega þrjár vik­ur, en hann hætti störf­um, þar sem talið var að hann hefði ekki greint Mike Pence, vara­for­seta, rétt frá sam­skiptum sínum við Sergei Kis­lyak, þáver­andi sendi­herra Rúss­lands í Banda­ríkj­un­um. Áttu þeir meðal ann­ars að hafa rætt um við­skipta­þving­anir gagn­vart Rússum og hvort það væri hægt að slaka á þeim.

Flynn komst fyrst almenni­lega í frétt­irnar þegar hann hélt þrumu­ræðu á fundi Repúblik­ana í aðdrag­anda kosn­ing­anna í fyrra, og lét meðal ann­ars orðin falla um að það ætti að „læsa hana inni“ (lock her up) og vís­aði þar til Hill­ary Clint­on, fram­bjóð­anda Demókrata.