Barack Obama, fyrr­ver­andi for­seti Banda­ríkj­anna, segir að fólk geti ekki gengið að því vísu að hlut­irnir muni ekki breyt­ast til hins verra og jafn­vel stríðs­tímar, líkir þeim sem sáust á tímum heim­styrj­ald­anna, brjót­ist út á nýjan leik. 

Á ráð­stefnu í Chicago sagði hann að fólk ætti að hugsa til þess að þróuð sam­fé­lög geti breyst skyndi­lega, ef aðstæður til þess skap­ast. 

Hann brýndi fyrir gestum að það þyrfti að vernda lýð­ræð­ið, og fólk yrði að muna að taka þátt og kjósa. Þegar kæru­leysi gerði vart um sig í sam­fé­lögum þá geti það leitt til óstöð­ug­leika sem grafi hratt undan sam­fé­lög­um, jafn­vel þeim sem telj­ast sterk fyr­ir.

Hann bað fólk um að hugsa til þess sem hefði gerst í Þýska­landi þar sem upp­gangur nas­ism­ans hefði endað með skelf­ingu, og 60 millj­ónir manna hefðu látið líf­ið, í glund­roða átökum víða um heim­inn. Allt hefði þetta gerst á til­tölu­lega skömmum tíma, og sprottið upp í sam­fé­lögum sem voru þróuð og fram­farir aug­ljós­ar.

Aðstæður eins og þessar geti komið upp, og að hlut­irnir geti breyst hratt til hins verra ef fólk hugs­aði ekki um að vernda lýð­ræðið og taka þátt í því að bæta sam­fé­lag­ið. 

Obama hefur að mestu haldið sig til hlés eftir að hann hætti sem for­seti og Trump tók við, en hefur þó gagn­rýnt áherslur hans í inn­flytj­enda­málum og einnig fleiri stefnu­mál, meðal ann­ars áherslur í utan­rík­is­málum og einkum áherslu hans á að slíta Banda­ríkin frá alþjóð­sam­starfi eins og Par­ís­ar­sam­komu­lag­inu. Hann hefur lagt mesta áherslu á að virkja fólk til þátt­töku í stjórn­mál­um, og sagt því að taka lýð­ræðið alvar­lega. Ekk­ert komi af sjálfu sér og kæru­leysi geti leitt til mik­illa erf­ið­leika.