Velta er­­lendra greiðslu­korta á Íslandi var um 188 millj­­arðar króna fyrstu átta mán­uði árs­ins, eða sem nemur um 23,5 millj­örðum króna að með­al­tali á mán­uði. Það er rúm­­lega 63 pró­sent aukn­ing frá 2015 og sam­svar­ar 542 þús­und á hvern lands­­mann.

Frá þessu er greint í Morg­un­blað­inu í dag, þar sem meðal ann­ars er rætt við Andrés Magn­ús­son, fram­kvæmda­stjóra Sam­taka versl­unar og þjón­ustu. Hann segir að verslun í mið­borg Reykja­víkur standi nú og falli með erlendum ferða­mönn­um. 

Hann segir jafn­framt að ef það tak­ist að tengja Ísland beint með Asíuflugi árið 2019, eins og til standi, þá geti það þýtt mikla inn­spýt­ingu fyrir hag­kerf­ið.

Hann seg­ir ástæðu til bjart­­sýni fyr­ir hönd versl­un­ar á Íslandi meðal ann­ars vegna þessa, en korta­velta erlendra ferða­manna er nú orðin svipuð og inn­lend debet­korta­velta, að því er segir í umfjöllun Morg­un­blaðs­ins. „Ef ís­­lensk flug­­­fé­lög hefja beint flug til Asíu 2019 mun­um við sjá meiri sprengju í þess­um geira en hingað til. Marg­ir Asíu­­bú­ar hafa mik­inn kaup­mátt,“ seg­ir Andrés í við­tali við Morg­un­blað­ið.

Búist er við því að erlendir ferða­menn verði um 2,3 millj­ónir á þessu ári en fjölgun þeirra hefur verið gríð­ar­lega hröð und­an­farin ár. Árið 2010 voru ferða­menn­irnir 450 þús­und.