Katrín ætlar ekki að gera kröfu um afsögn Sigríðar

Forsætisráðherra segist taka niðurstöðu Hæstaréttar í Landsréttarmálinu mjög alvarlega. Í málinu komst dómstóllinn að því að dómsmálaráðherra hefði brotið gegn stjórnsýslulögum. Katrín mun þó ekki gera kröfu um að Sigríður Á. Andersen víki úr ríkisstjórn.

Katrín Jakobsdóttir, formaður Vinstri grænna og forsætisráðherra.
Katrín Jakobsdóttir, formaður Vinstri grænna og forsætisráðherra.
Auglýsing

Katrín Jak­obs­dóttir for­sæt­is­ráð­herra ætlar ekki að gera kröfu um að Sig­ríður Á. And­er­sen dóms­mála­ráð­herra segi af sér vegna Lands­rétt­ar­máls­ins. Hún seg­ist ekki hafa gert kröfu um afsögn Sig­ríðar í umræðum um málið á þingi í vor og það geri hún heldur ekki núna. Katrín seg­ist hins vegar taka nið­ur­stöðu Hæsta­réttar mjög alvar­lega.

Þetta kemur fram í svari hennar við fyr­ir­spurn Kjarn­ans um mál­ið.

Hæst­i­­réttur birti í gær nið­­ur­­stöðu sína í máli sem tveir umsækj­endur um stöðu Lands­rétt­­ar­­dóm­­ara höfðu höfðað gegn íslenska rík­­inu. Í dómnum kemur fram að Sig­ríður hafi brotið gegn ­stjórn­sýslu­lögum þegar hún vék frá hæfn­is­mati dóm­­nefndar um skipun 15 dóm­­ara í Lands­rétt.

Í dómi hans segir enn fremur að Sig­ríður hafi að lág­­marki átt að gera sam­an­­burð á hæfni ann­­ars vegar fjög­­urra umsækj­enda sem dóm­­nefndin hafði metið á meðal 15 hæf­­ustu en Sig­ríður ákvað að gera ekki til­­lögu um að yrðu skip­að­ir, og þeirra fjög­­urra sem hún ákvað frekar að skipa. Það hafi hún ekki gert og gögn máls­ins bentu ekki til þess að nein slík rann­­sókn hefði farið fram af hálfu Sig­ríð­­ar.

Í dómnum seg­ir: „Sam­­kvæmt því hefði máls­­með­­­ferð hans verið and­­stæð 10. gr. stjórn­sýslu­laga og af því leiddi að það sama ætti við um með­­­ferð Alþingis á til­­lögu ráð­herra þar sem ekki hefði verið bætt úr þeim ann­­mörkum sem máls­­með­­­ferð ráð­herra var hald­in.“

Aðstoð­ar­maður Sig­ríðar sagði í gær í svari við fyr­ir­spurn Kjarn­ans að dóms­mála­ráð­herra myndi ekki segja af sér emb­ætti í kjöl­far dóms Hæsta­rétt­ar.

Katrín, sem þá sat í stjórn­ar­and­stöðu, gagn­rýndi máls­með­ferð­ina mjög í vor þegar hún var til umræðu á Alþingi. Þá flutti hún meðal ann­ars álit minni hluta stjórn­skip­un­ar- og eft­ir­lits­nefndar í mál­inu.

Í dag er hún for­sæt­is­ráð­herra í rík­is­stjórn Vinstri grænna, Sjálf­stæð­is­flokks og Fram­sókn­ar­flokks þar sem Sig­ríður Á. And­er­sen er dóms­mála­ráð­herra. 

Auglýsing
Katrín segir að hún hafi ekki gert kröfu um afsögn Sig­ríðar í vor og það geri hún heldur ekki nú, þótt hún taki nið­ur­stöðu Hæsta­réttar mjög alvar­lega. „Nið­ur­staða Hæsta­réttar stað­festir það sem kom fram í nefnd­ar­á­liti minni­hlut­ans, sem ég stóð að ásamt fleirum, við með­ferð máls­ins á Alþingi. Það er að ráð­herra hafi ekki sinnt rann­sókn­ar­skyldu með eðli­legum hætti og því hafi máls­með­ferð ekki verið hafin yfir vafa. Þrátt fyrir þessar athuga­semdir ákvað meiri­hluti Alþingis að stað­festa til­lögu ráð­herra. Í þessu sam­bandi má þó líta til þess, óháð nið­ur­stöðu Hæsta­rétt­ar, að þau sjón­ar­mið sem ráð­herra lagði til grund­vallar voru ann­ars vegar jafn­rétt­is­sjón­ar­mið sem var í takt við fyrri umræðu á Alþingi og hins vegar dóm­ara­reynsla sem í for­sendum Hér­aðs­dóms kemur fram að hafi verið mál­efna­legt í sjálfu sér. Meðal ann­ars á þessum grund­velli stað­festi meiri­hluti Alþingis á sínum tíma til­lögu ráð­herra en um aðkomu Alþingis er einnig fjallað í dómi Hæsta­rétt­ar.

Hún telur að það verði að gaum­gæfa nið­ur­stöð­una. „Það er fullt til­efni til þess að Alþingi end­ur­skoði gild­andi ákvæði laga um skipan dóm­ara og skýri máls­með­ferð­ar­reglur og heim­ildir ráð­herra til að víkja frá áliti dóm­nefndar sem eru í gild­andi lög­um. Við eigum að læra af þess­ari nið­ur­stöðu til að svona mál end­ur­taki sig ekki.“

Kjarn­inn birti ítar­­lega frétta­­skýr­ingu um málið í gær. Hana má lesa hér.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Jódís Skúladóttir þingmaður VG.
Segir náin tengsl á milli hatursglæpa, vændis, kvenhaturs og útlendingahaturs
Þingmaður Vinstri grænna segir að hinsegin fólk sem fellur undir hatt fleiri minnihlutahópa sé útsettara fyrir ofbeldi en annað hinsegin fólk og því sé aldrei hægt að gefa afslátt í málaflokkum sem viðkoma þessum hópum.
Kjarninn 21. maí 2022
Hanna Katrín Friðriksson þingmaður Viðreisnar.
„Hvernig stendur á þessari vitleysu?“
Þingflokksformaður Viðreisnar telur að líta þurfi á heilbrigðiskerfið í heild sinni og spyr hvort það sé „í alvöru til of mikils ætlast að stjórnvöld ráði við það verkefni án þess að það bitni á heilsu og líðan fólks“.
Kjarninn 21. maí 2022
Framsóknarflokkurinn í Mosfellsbæ er í lykilstöðu um myndun meirihluta bæjarstjórnar.
Viðræðum Framsóknarflokksins og Vina Mosfellsbæjar slitið
Framsóknarflokkurinn í Mosfellsbæ tilkynnti Vinum Mosfellsbæjar skömmu fyrir áætlaðan fund þeirra í morgun að ákveðið hefði verið að slíta viðræðum. Líklegast er að Framsókn horfi til þess að mynda meirihluta með Samfylkingunni og Viðreisn.
Kjarninn 21. maí 2022
Gísli Pálsson
„Svartur undir stýri“: Tungutak á tímum kynþáttafordóma
Kjarninn 21. maí 2022
Horft frá toppi Úlfarsfells yfir Blikastaði
Blikastaðir eru „fallegasta byggingarland við innanverðan Faxaflóa“
„Notaleg“ laxveiði, æðardúnn í eina sæng á ári og næstu nágrannar huldufólk í hóli og kerling í bæjarfjallinu. Blikastaðir, ein fyrsta jörðin sem Viðeyjarklaustur eignaðist á 13. öld, á sér merka sögu.
Kjarninn 21. maí 2022
Selur í sínu náttúrulega umhverfi.
Ætla að gelda selina í garðinum með lyfjum
Borgaryfirvöld fundu enga lausn á óviðunandi aðstöðu selanna í Húsdýragarðinum aðra en að stækka laugina. Þeir yngstu gætu átt 3-4 áratugi eftir ólifaða. 20-30 kópum sem fæðst hafa í garðinum hefur verið lógað frá opnun hans.
Kjarninn 21. maí 2022
Í ávarpi sínu fór Katrín yfir þann lærdóm sem hægt er að draga af kórónuveirufaraldrinum, meðal annars að samheldni samfélagsins hafi reynst okkar mestu verðmæti.
Ekki einungis hægt að vísa ábyrgð á launafólk
Katrín Jakobsdóttir segir atvinnulíf og stjórnvöld bera mikla ábyrgð á bráttunni við verðbólguna og að ekki sé hægt að vísa ábyrgðinni eingöngu á launafólk í komandi kjarasamningum.
Kjarninn 20. maí 2022
Ingrid Kuhlman og Bjarni Jónsson
Læknar og hjúkrunarfræðingar styðja dánaraðstoð
Kjarninn 20. maí 2022
Meira úr sama flokkiInnlent