Alls hafa um átta aðilar áhuga á kaupum á verk­smiðju United Sil­icon í Helgu­vík, sam­kvæmt heim­ildum Kjarn­ans. Að mestu er um að ræða erlenda fag­fjár­festa. Afar ólík­legt er að salan nái fram að ganga áður en greiðslu­stöðvun fyr­ir­tæk­is­ins rennur út 22. jan­úar næst­kom­andi.

Karen Kjart­ans­dótt­ir, tals­maður United Sil­icon, segir að ekki sé setið að form­legum við­ræðum og því sé erfitt að segja til um fram­hald­ið. Hún segir að við­ræður við áhuga­sama aðila hefj­ist að fullu á næstu dög­um.

Rekstur kís­il­málm­verk­smiðju United Sil­icon í Helgu­vík var stöðv­aður af Umhverf­is­stofnun þann 1. sept­em­ber síð­ast­lið­inn. Frá þeim tíma hefur farið fram ítar­leg skoðun á bún­aði fyr­ir­tæk­is­ins á vegum norska ráð­gjafa­fyr­ir­tæk­is­ins Multiconsult. 

Karen segir fjár­magns­þörf­ina hafa verið van­reikn­aða frá upp­hafi. Mat sér­fræð­ing­anna sýni að um 25 millj­ónir evra þurfi til að fyr­ir­tækið verði eins og best verður á kosið og áætl­anir gengu út á. Í skýrslu úttekt­ar­að­ila komi fram að grunn­hönnun ofns­ins sjálfs sé góð en aug­ljóst sé að ódýr og óvand­aður jað­ar­bún­aður sé orsök tíðra bil­ana sem bæði skap­aði erf­ið­leika í fram­leiðslu og rekstri auk þess sem sér­fræð­ing­arnir telji þau vand­kvæði meg­in­or­sök lykta­meng­unar á svæð­inu.

Kjarn­inn hefur áður greint frá því að Arion banki hafi afskrifað a.m.k 4,8 millj­­­arða króna vegna verk­efn­is­ins. Bank­inn hefur að mestu tekið yfir hlutafé í United Sil­icon en útistand­andi skuld­bind­ingar nema enn þá 5,4 millj­­­örð­um, sam­­­kvæmt síð­­­asta birta upp­­­­­gjöri bank­ans. Arion banki hefur auk þess ábyrgst rekst­­­ur­inn á greiðslu­­­stöðv­­­un­­­ar­­­tím­­­anum en hann hefur borgað um 200 millj­­­ónir króna á mán­uði vegna hans, frá því greiðslu­­­stöðv­­­un­­­ar­­­tím­inn hófst í ágúst.