Eins og staða mála er nú hjá skráðum félög­um, á aðal­l­ista kaup­hallar Íslands, nemur mark­aðsvirði þeirra 770,3 millj­örðum króna og eigið fé (mis­munur eigna og skulda) þeirra er 432,8 millj­arðar króna.

Virði félag­anna - sam­an­lagt - nemur því 1,7 sinnum eigið fé.

Mestur munur á mark­aðsvirði og eigin fé er hjá Nýherja (Origo) en þar er mark­aðsvirðið 12,1 millj­arð­ur, eða sem nemur rúm­lega fjór­földu eigin fé, sem er 2,7 millj­arð­ar.

Sé litið til þessa mæli­kvarða er staða félag­anna mis­mun­andi, ekki síst eftir geir­um. Trygg­ing­ar­fé­lögin eru með svip­aða stöðu, það er að mark­aðsvirði þeirra er 1,6 til 1,7 sinnum eigið féð.

Mark­aðsvirði VÍS er 25,4 millj­arðar (eigið fé 16,1), mark­aðsvirði TM 22,5 millj­arðar (eigið fé 13) og mark­aðsvirði Sjóvá 23,7 millj­arðar (eigið fé 14,8).

Mik­ill munu er á fjar­skipta­fé­lög­un­um, en mark­aðsvirði Voda­fone nemur nú tæp­lega 20 millj­örð­um, en hjá Sím­anum er virðið 37,7 millj­arð­ar. Í til­felli Voda­fone er virðið 2,5 sinnum eigið féð, sem nemur 7,7 millj­örð­um. Hjá Sím­anum er eigið féð svipað og mark­aðsvirð­ið, eða 35,9 millj­arð­ar.

Fast­eigna­fé­lög­in, Eik, Reitir og Reg­inn, eru svipuð á þennan mæli­kvarða, með verð­miða sem nemur 1,2 til 1,3 sinnum eigið fé. Mark­aðsvirði Eik er 34,9 millj­arðar (eigið fé 27,8 millj­arð­ar), virði Reita er 61,3 millj­arðar (eigið fé 47,8 millj­arð­ar) og virði Reg­ins er 39,9 millj­arðar (eigið fé 33,7 millj­arð­ar).

Eitt félag á mark­aðnum er lang­sam­lega verð­mætast, Mar­el. Virði þess nemur 230 millj­örðum króna eða um 30 pró­sent af öllum mark­aðsvirð­in­u. 

Mark­aðsvirði þess er 3,4 sinnum eigið fé, sem nemur 67 millj­örðum í dag.