Sex sóttu um emb­ætti land­læknis sem aug­lýst var laust til umsóknar á liðnu ári. Umsókn­ar­frestur rann út 4. jan­úar síð­ast­lið­inn.

Þetta kemur fram í frétt vel­ferð­ar­ráðu­neyt­is­ins í dag. 

Umsækj­endur eru Alma D. Möll­er, fram­kvæmda­stjóri aðgerða­sviðs Land­spít­ala, Arna Guð­munds­dótt­ir, læknir og for­maður Lækna­fé­lags Reykja­vík­ur, Bogi Jóns­son, yfir­læknir við bækl­un­ar­deild Háskóla­sjúkra­húss­ins í Norður Nor­eg­i, Jón Ívar Ein­ars­son, pró­fessor við lækna­deild Harvardhá­skól­ans í Boston, Krist­inn Tóm­as­son, yfir­læknir Vinnu­eft­ir­lits­ins og Óskar Reyk­dals­son, fram­kvæmda­stjóri lækn­inga Heilsu­gæslu höf­uð­borg­ar­svæð­is­ins.

Heil­brigð­is­ráð­herra skipar í emb­ætti land­læknis til fimm ára í senn að und­an­gengnu mati sér­stakrar nefndar sem starfar á grund­velli laga um heil­brigð­is­þjón­ustu um mat hæfni umsækj­enda. 

Skipað verður í emb­ættið frá 1. apríl 2018 þegar Birgir Jak­obs­­son lætur af störfum vegna ald­­urs, líkt og kveðið er á um í lögum um rétt­indi og skyldur starfs­­manna rík­­is­ins. 

Birgir Jak­obs­­son var skip­aður land­læknir frá 1. jan­úar 2015. Hann tók við emb­ætt­inu af Geir Gunn­laugs­­syni sem var land­læknir í fimm ár þar á und­­an. 

Birgir hafði um langt skeið sinnt stjórn­­un­­ar­­störfum við ýmis sjúkra­hús í Sví­­þjóð og í sjö ár var hann for­­stjóri Karol­inska sjúkra­hús­s­ins í Stokk­hólmi. Sér­­­grein hans er barna­lækn­ingar og árið 1988 lauk hann dokt­or­s­­prófi í sér­­­grein sinni við Karol­inska Instit­u­tet.