Bezos á nú 105 milljarða Bandaríkjadala

Stofnandi Amazon er ríkasti maður heims, og það ætti ekki að koma neinum á óvart ef yrði miklu ríkari á þessu ári.

Jeff Bezos Amazon 2017
Auglýsing

Rík­asti maður heims er Jeff Bezos, stofn­andi og for­stjóri Amazon, en virði eigna hans, við lokun mark­aða í gær, nam 105 millj­örðum Banda­ríkja­dala, eða sem nemur tæp­lega 11 þús­und millj­örðum króna. 

Mark­aðsvirði Amazon fór yfir 600 millj­arða Banda­ríkja­dala í gær, eða sem nemur 62 þús­und millj­örðum króna. 

Eignir Bezos eru að mestu leyti bundnar í hluta­bréfum í Amazon, en hann á ennþá um 17 pró­sent hlut í Amazon, sem hann stofn­aði árið 1994. 

Auglýsing



Virði hluta hans í Amazon er um 102 millj­arðar Banda­ríkja­dala, og því eru um þrír millj­arðar Banda­ríkja­dala, jafn­virði ríf­lega 300 millj­arða króna, í öðrum eignum en hluta­bréfum í Amazon. Eru þeir meðal ann­ars í öllum hluta­bréfum í Was­hington Post og geim­flauga­fram­leið­and­anum Blue Orcid.

Til sam­an­burðar þá nemur virði eigna Bezos um þrett­án­földu virði íslenska hluta­bréfa­mark­að­ar­ins, það er allra skráðra félaga á aðal­l­ista íslenska hluta­bréfa­mark­að­ar­ins. Virði þeirra er um 800 millj­arð­ar.

Næstur á eftir Bezos er nágranni hans við Lake Was­hington vatn, í útjaðri Seatt­le, Bill Gates, sem stofn­aði Microsoft ásamt Paul Allen. 

Virði eigna hans nemur meira en 90 millj­örðum Banda­ríkja­dala, eða sem nemur yfir 90 þús­und millj­örðum króna.

Meira úr sama flokkiErlent