Líf Magneu­dótt­ur, odd­viti Vinstri grænna í Reykja­vík, spyr hvort að almenn­ingur ætti ekki að kaupa hlut Eyþórs Arn­alds, nýs leið­toga Sjálf­stæð­is­flokks­ins í borg­inni, í Árvakri, útgáfu­fé­lagi Morg­un­blaðs­ins. Í kjöl­farið væri hægt að reka blaðið að hluta sem „sam­fé­lags­blað.“

Eyþór á 22,87 pró­sent hlut í Árvakri. Hlut­inn eign­að­ist hann á síð­asta ári.

Eyþór, sem  er stjórn­ar­maður í alls 26 eign­ar­halds­fé­lögum og fyr­ir­tækj­um, sagði við RÚV í gær að hann sé þegar byrj­aður að slíta á hags­muna­tengsl í ljósi nýrrar stöðu sinn­ar. Þar sagði hann einnig að hann ætl­aði sér að hafa „al­gjöran aðskilnað á því sem að ekki pass­ar.“

Eyþór sagði einnig við Morg­un­blaðið að hann myndi fara úr stjórn Árvak­urs og „slíta á þau tengsl“. Hann muni selja hlut­inn ef kaup­andi finnst í tæka tíð.

Líf, sem sæk­ist eftir því að leiða áfram fyrir Vinstri græn í Reykja­vík í kom­andi sveit­ar­stjórn­ar­kosn­ing­um, setti stöðu­upp­færslu á Face­book í gær­kvöldi þar sem hún spurði hvort að almenn­ingur ætti ekki að eign­ast hlut Eyþórs í Árvakri og reka það að hluta sem „sam­fé­lags­blað“. „Nú er bæði tæki­færi til að losa Arn­alds fljótt undan hags­muna­tengslum sínum eftir að hann varð odd­viti Sjálf­stæð­is­manna í Reykja­vík og eign­ast hlut í sögu­frægum fjöl­miðli ef nægi­legt fjár­magn safn­ast fljótt. Þetta væri ein­hvers konar lýð­ræð­is­verk­efni lík­a...Á ég að stofna söfnun á Karol­ina?,“ spurði Líf. Þar á hún við hvort að setja eigi af stað hóp­fjár­mögnun á síð­unni Karol­ina Fund.

Kom inn sem eig­andi í fyrra

Eig­andi Árvak­­urs er félagið Þór­s­­mörk. Það félag hefur að mestu verið í eigu aðila sem tengj­­ast stærstu stoðum íslensks sjá­v­­­ar­út­­­vegs. Í lok árs 2016 áttu slíkir aðilar um 96 pró­­sent hlut í Þór­s­­mörk.

Í apríl var til­­kynnt að Eyþór Arn­alds hefði keypt 26,6 pró­sent hlut í Árvakri. Um væri að ræða allan hlut Sjá­v­­­ar­út­­­vegs­ris­ans Sam­herja, hlut Síld­­ar­vinnsl­unnar og Vísis hf.

Upp­­lýs­ingar um eign­­ar­hald Árvak­­urs voru upp­­­færðar á heima­­síðu Fjöl­miðla­­nefndar í byrjun júlí í fyrra. Þær upp­­lýs­ingar end­­ur­­spegl­uðu eign­­ar­haldið eftir að 200 millj­­óna króna hluta­fjár­­aukn­ing hefði átt sér stað. Fjöl­miðlar greindu frá því að Kaup­­fé­lag Skag­­firð­inga hefði lagt til mest af þeim pen­ingum sem lagðir voru til við­­­bótar í félagið og við það minn­k­aði hlutur Ram­ses II, félags í eigu Eyþórs Arn­alds og er nú 22,87 pró­­­sent. Kaup­­­fé­lag Skag­­­firð­inga á nú 14,15 pró­­­sent í Þór­s­­­mörk í gegnum félagið Íslenskar sjá­v­­­­ar­af­­­urð­­ir.

Það er ekki eins­dæmi að þátt­tak­endur í stjórn­málum eigi hlut í fjöl­miðli. Smári McCharthy, þing­maður Pírata, átti um tíma lít­inn hlut í Stund­inni og Ágúst Ólafur Ágústs­son, sem var kjör­inn þing­maður Sam­fylk­ing­ar­innar í októ­ber 2017, á 5,69 pró­sent hlut í Kjarn­an­um. Ágúst Ólafur sagði sig sam­stundis úr stjórn mið­ils­ins þegar ljóst var að hann hygði á stjórn­mála­þátt­töku og er óvirkur eig­andi. Hlutur hans er í sölu­ferli.