Hluta­bréfa­verð hrundi á alþjóða­mörk­uðum í dag og segir í Wall Street Journal, að fjár­festar horfi til þess að hækk­andi vaxta­stig og verð­bólga, hafi verið ein ástæða þess að vísi­tölur féllu nær alls stað­ar.

Í Banda­ríkj­unum féll Dow Jones vísi­talan um 2,5 pró­sent og í bæði Evr­ópu og Asíu lækk­uðu vísi­tölur á bil­inu 1 til 2,5 pró­sent.

Lækk­unin kom hins vegar ekki úr lausu lofti, þar sem tölu­verð umræða hefur verið um í fjöl­miðlum í Banda­ríkj­unum að und­an­förnu, að hluta­bréfa­verð sé sögu­lega hátt, og lík­legt sé að ein­hvers konar leið­rétt­ing geti komið fram á mark­aðnum til lengd­ar.

Þannig lét yfir­maður hjá Gold­man Sachs hafa eftir sér á dög­un­um, að tölu­verðar líkur væru á því að verð myndi lækka skarpt á næst­unni. Sagði hann mark­að­inn hafa mörg ein­kenni þess að helstu verð­kenni­tölur væru „bólgn­ar“ og ekki ólík­legt að tölu­verð lækkun kæmi fram á næst­unni.

Sagði hann meðal ann­ars að sagan sýndi, að verð gæti lækkað um 13 pró­sent að með­al­tali yfir fjög­urra mán­aða tíma­bil, í dæmi­gerðri leið­rétt­ingu á mark­aði þar sem verð væru orðin of há. Byggði hann þetta á sögu­legum gögnum frá Gold­man Sachs.