Lind­ar­hvoll, sem stofnað var til að ann­ast umsýslu og sölu stöð­ug­leika eigna sem ríkið fékk afhent í kjöl­far sam­komu­lags við kröfu­hafa föllnu bank­anna, hefur lokið hlut­verki sínu og verður slit­ið. Alls nemur and­virði þeirra stöð­ug­leika­eigna sem búið er að inn­leysa um 207,5 millj­örðum króna en frá­talin eru fram­lög vegna við­skipta­bank­anna Arion banka og Íslands­banka og aðrar óinn­leystar eign­ir. 

Lind­ar­hvoll sam­þykkti að selja Lyfju hf. til félags­ins SID ehf., í eigu SIA III slhf., Þara­bakka ehf. og Kasks ehf., á mánu­dag. SID hafði átt hæsta til­boðið í opnu sölu­ferli fyr­ir­tæk­is­ins. Kaup­samn­ing­ur­inn er gerður með fyr­ir­vara um áreið­an­leika­könnun og sam­þykki Sam­keppn­is­eft­ir­lits­ins. Kaup­veðrið hefur ekki verið gefið upp. 

Í til­kynn­ingu frá fjár­mála- og efna­hags­ráðu­neyt­inu segir að þar með sé ráð­stöfun stöð­ug­leika í umsýslu Lind­ar­hvols lok­ið. „Félagið hefur með söl­unni komið langstærstum hluta þeirra eigna sem því var falin umsýsla með í laust fé. Sam­komu­lag er um það milli stjórnar Lind­ar­hvols og fjár­mála- og efna­hags­ráðu­neyt­is­ins að fella við svo búið niður samn­ing sem ráðu­neytið gerði við félagið í apríl 2016 um úrvinnslu og umsýslu stöð­ug­leika­eigna frá og með 7. febr­ú­ar. Í kjöl­farið verður Lind­ar­hvoli ehf. slit­ið.“

Í byrjun jan­úar greindi Kjarn­inn frá því að eignir sem metnar voru á 19 millj­arða króna, og voru hluti af stöð­ug­leika­fram­lagi föllnu bank­anna, hefðu verið fram­seldar til Líf­eyr­is­sjóðs starfs­manna rík­is­ins (LS­R).  Um er að ræða eignir sem Lind­­­ar­hvoll ehf. hefur haft til umsýslu og ekki telj­­­ast heppi­­­legar til sölu á almennum mark­aði. Fram­­sal eign­anna lækkar líf­eyr­is­skuld­bind­ingar rík­­­is­­­sjóðs við B-deild LSR um áður­­­greinda upp­­hæð. Sam­­kvæmt upp­­­lýs­ingum Kjarn­ans fólst í þessu að ýmsir láns­­­samn­ingar og óskráð hluta­bréf sem voru í umsýslu Lind­­­ar­hvols myndu fær­­­ast til LSR í þeim til­­­­­gangi að hámarka virði þeirra. 

Þær stöð­ug­leika­eignir sem eftir standa eru, sam­kvæmt til­kynn­ingu ráðu­neyt­is­ins, þess eðlis að virði þeirra verður best inn­heimt með tíð og tíma. „ Að stærstum hluta er um að ræða kröfur í þrotabú og önnur inn­heimtu­mál, lána­samn­inga, fjár­sóps­eignir og skulda­bréf Kaup­þings, auk afkomu­skipta­samn­ings sem teng­ist sölu á Arion banka. Umsýslu og eft­ir­liti með umræddum eignum verður áfram sinnt í umboði rík­is­sjóðs og mun and­virði þeirra skila sér inn á stöð­ug­leik­a­reikn­ing rík­is­sjóðs við fulln­ustu. Til við­bótar eru nokkrar óveru­legar stöður í óskráðum hluta­bréfum og verður umsýslu þeirra komið fyrir í höndum við­eig­andi rík­is­að­ila.“