Gildi segir að of mikil óvissa og áhætta hafi falist í því að kaupa í Arion

Stærstu eigendur Arion banka vildu ekki leyfa Gildi að leggja mat á endurskoðað uppgjör bankans áður en þeir keyptu hlut.

Arion.banki_..Sm_.ra.tib_..jpg
Auglýsing

Stjórn Gildis ákvað að kaupa ekki hlut í Arion banka að svo stöddu vegna þess að líf­eyr­is­sjóð­ur­inn fékk ekki meiri tíma til að meta fjár­fest­ing­una. Sér­stak­lega vildi Gildi fá að leggja mat á end­ur­skoðað upp­gjör Arion banka sem verður birt á morg­un, 14. febr­ú­ar. Ekki náð­ist saman um að leyfa sjóðnum það. Þá taldi Gildi að enn væri tals­verð óvissa „um skrán­ingu Arion banka á markað og einnig skortir að mati sjóðs­ins skýr­ari sýn á fram­tíð­ar­rekstur bank­ans.“ Þetta kemur fram í frétt á heima­síðu Gildis, sem er þriðji stærsti líf­eyr­is­sjóður lands­ins.

Þess vegna var það mat sjóðs­ins að „of mikil óvissa og áhætta fælist nú í kaup­unum fyrir sjóð­fé­laga Gild­is. Við­ræðum um kaup á hlut í Arion banka var því slit­ið.“

LSR sagði skorta á gagn­sæi í sölu­ferl­inu

Stærstu líf­eyr­is­sjóðum lands­ins var boðið að kaupa hlut í Arion banka af Kaup­þingi, félagi utan um eft­ir­stand­andi eignir kröfu­hafa þess banka, þann 24. jan­úar síð­ast­lið­inn. Sam­kvæmt heim­ildum Kjarn­ans var vilji til þess að selja sjóð­unum um fimm pró­sent hlut áður en að bank­inn yrði skráður á mark­að. Frestur til að svara til­boð­inu rann út á mánu­dag, 12. febr­ú­ar. Engin líf­eyr­is­sjóður tók því. Haukur Haf­steins­son, fram­kvæmda­stjóri Líf­eyr­is­sjóðs starfs­manna rík­is­ins (LSR), sagði í við­tali við Morg­un­­blaðið í dag, að líf­eyr­is­­sjóð­­ur­inn hafi bakkað út úr við­ræðum um kaup á hlut í Arion banka, fyrir útboð og skrán­ingu, meðal ann­­ars vegna skorts á gagn­­sæi í sölu­­ferl­in­u.

Auglýsing

Þá segir hann að fram­­tíð­­ar­­sýn fyrir hönd bank­ans hafi mátt vera skýr­­ari í við­ræð­un­um, og að LSR, eins og aðrir líf­eyr­is­­sjóð­ir, þurfi að meta sínar fjár­­­fest­ingar eftir áhættu og öðrum þátt­um, en nú leggur sjóð­­ur­inn meðal ann­­ars áherslu fjár­­­fest­ingar erlend­­is.

Við­­mæl­endur Kjarn­ans segja hins vegar ekki úti­­lokað að íslensk trygg­inga­­fé­lög og önnur fjár­­­mála­­fyr­ir­tæki kaupi hluti í Arion banka fyrir útboð. Kaup­­geta þeirra er næg til þess að hægt verði að losa að minnsta kosti tvö pró­­sent í bank­­anum og þar með upp­­­fylla það skil­yrði sem er sett fyrir vænt­an­legri arð­greiðslu upp á 25 millj­arða króna til hlut­hafa Arion banka, sem sam­þykkt var á hlut­hafa­fundi í gær.

Kaup­­­þing er stærsti eig­andi Arion banka með um 57 pró­­­sent hlut. Vog­un­­­­­­­ar­­­­­­­sjóð­irn­ir Taconic Capi­tal, Och-Ziff CapitalM­ana­gement, Attestor Capi­tal og fjár­­­­­­­­­­­­­fest­inga­­­­­­­bank­inn Gold­man Sachs eiga sam­an­lagt 29,59 pró­­­­­­­­sent hlut í bank­­­anum og íslenska ríkið á 13 pró­­­sent hlut.

Geta fengið háar bón­us­greiðslur tak­ist að selja allar eignir

Stefnt hefur verið að sölu á Arion banka í tölu­vert langan tíma. Kaup­­­­þing ehf., eign­­­­ar­halds­­­­­­­fé­lag utan um eft­ir­stand­andi eignir þrota­­­­bús hins fallna banka, hélt á 87 pró­­­­sent hlut í Arion banka eftir að gengið hafði verið frá upp­­­­­­­gjöri milli þeirra og rík­­­­is­ins í byrjun árs 2016. Og ríkið hélt áfram á 13 pró­­­­sent hlut.

Í sam­komu­lag­inu við kröf­u­haf­anna stóð líka að íslenska ríkið ætti for­­­­kaups­rétt á hlutum í Arion banka ef bank­inn yrði seldur fyrir virði sem væri 80 pró­­­­­sent eða minna af bók­­­­­færðu eigin fé. Söm­u­­­­leiðis getur ríkið geti leyst Arion banka til sín ef ekki tæk­ist að selja hann fyrir árs­­­­lok 2018.

Í ágúst 2016 var greint frá því að um 20 starfs­­­­menn Kaup­­­­þings gætu fengið allt að 1,5 millj­­­­arða króna í bón­us­greiðslur ef mark­mið um hámörkun á virði óseldra eigna myndi nást. Þessar bón­us­greiðslur ættu að greið­­­­ast út eigi síðar en í lok apríl 2018. Langstærsta óselda eignin á þeim tíma var 87 pró­­­­sent hlutur Kaup­­­­þings í Arion banka. Og sú eign er enn að hluta óseld.

Sam­­­­kvæmt upp­­­­lýs­ingum frá Kaup­­­­þingi þá verða bón­us­greiðsl­­­­urnar að óbreyttu greiddar út fyrir lok apr­íl. Þau við­­­­skipti sem áttu sér stað með hluti í Arion banka í fyrra hafa áhrif á umfang þeirra en fyr­ir­hugað hluta­fjár­­­­út­­­­­­­boð á eft­ir­stand­andi 57,4 pró­­­­sent hlut Kaup­­­­þings mun ekki gera það.

Meiri hækkun stýrivaxta kom til greina
Fundargerð peningastefnunefndar Seðlabanka Íslands frá því fyrr í mánuðinum hefur verið birt.
Kjarninn 21. nóvember 2018
Aðförin
Aðförin
Aðförin – Mannlíf milli húsa
Kjarninn 21. nóvember 2018
Sverrir Mar Albertsson
Aþþíbara
Kjarninn 21. nóvember 2018
Pottersen
Pottersen
Pottersen – 4. þáttur: Fljúgandi sjálfrennireið og sjálfskaðandi húsálfur
Kjarninn 21. nóvember 2018
Dómar í markaðsmisnotkunarmálum hafa dregið línu í sandinn
Forstjóri Kauphallarinnar segir að það sé aldrei hægt að tryggja að einhver fari ekki yfir á rauðu ljósi þótt það sé bannað. Fjárfestingaumhverfið hér sé þó mun tryggara og með öðrum hætti en fyrir áratug síðan.
Kjarninn 21. nóvember 2018
Eiríkur Jónsson er annar þeirra sem stefndi ríkinu vegna ólögmætra athafna Sigríðar Á. Andersen.
Ríkið áfrýjar dómi vegna skipunar dómara
Íslenska ríkið hefur áfrýjað dómum Héraðsdóms Reykjavíkur sem dæmdi ríkið bótaskylt í málum þeirra Jóns Höskuldssonar og Eiríks Jónssonar.
Kjarninn 21. nóvember 2018
Blýanturinn á útleið í prófum – Tölvur taka við
Innan nokkurra ára munu blýanturinn og penninn heyra sögunni til innan Háskóla Íslands með tilkomu rafræns prófakerfis.
Kjarninn 21. nóvember 2018
Kim Jong-yang nýkjörinn forseti Interpol.
Óvæntur sigur í forsetakjöri Interpol
Fulltrúi Rússa var talinn líklegastur til þess að verða kjörinn forseti alþjóðalögreglunnar Interpol en hann tapaði óvænt fyrir Suður-kóreumanninum Kim Jong-yang. Kosið var um nýjan forseti eftir að sitjandi forseta Interpol hvarf í október.
Kjarninn 21. nóvember 2018
Meira úr sama flokkiInnlent