Þorgerður Katrín skaut fast á Morgunblaðið og eigendur þess

Formaður Viðreisnar vék þrívegis að Morgunblaðinu eða eigendum þess í stefnuræðu sinni á landsþingi flokksins á laugardag. Gagnrýnin beindist að ritstjórnarskrifum, viðskiptum stærsta eiganda blaðsins á Korputorgi og Eyþóri Arnalds.

Þorgerður Katrín Gunnarsdóttir
Auglýsing

Þor­gerður Katrin Gunn­ars­dottir, sem var kjör­inn for­maður Við­reisnar i dag með rúm­lega 95 pró­sent atkvæða, skaut föstum skotum á Morg­un­blaðið og stærstu eig­endur þess í stefnu­ræðu sinni sem flutt var á laug­ar­dag. Þor­gerður Katrín hefur ítrekað verið gagn­rýnd mjög harð­lega í rit­stjórn­ar­skrifum Morg­un­blaðs­ins, en hún er fyrr­ver­andi vara­for­maður Sjálf­stæð­is­flokks­ins og starf­aði innan hans árum saman áður en hún ákvað að fara í fram­boð fyrir Við­reisn.

Í þeim hluta sem fjall­aði um utan­rík­is­mál sagði hún þá sem gagn­rýni flokka á borð við Við­reisn fyrir að gera mikið úr utan­rík­is­málum í stefnu sinni, og kalla þá eins­máls­flokka fyrir stuðn­ing sinn við aðild að Evr­ópu­sam­band­inu, séu eins og álfar úr hól grárrar forn­eskju. Síðan sagði hún að það væri líka hægt að segja að þeir „minni helst á staka steina út í ein­hverjum hádeg­is­mó­an­um“. Með þessu orða­lagi vís­aði Þor­gerður í nafn­lausan dálk í Morg­un­blað­inu þar sem oft á tíðum er ráð­ist af mik­illi heift á nafn­greinda ein­stak­linga, og kall­ast Stak­stein­ar. Sá er skrif­aður á ábyrgð rit­stjóra Morg­un­blaðs­ins, sem hafa fagnað mjög útgöngu Breta úr Evr­ópu­sam­band­inu, oft­ast nefnt Brex­it, í sínum skrifum á und­an­förnum árum og eru ein­dregnir and­stæð­ingar sam­bands­ins. Auk þess eru höf­uð­stöðvar Morg­un­blaðs­ins við götu sem heitir Hádeg­is­mó­ar.

Eig­endur Morg­un­blaðs­ins fengu líka sinn skerf, en umsvifa­mestir í þeim hópi hafa verið fyr­ir­tæki í eigu Guð­bjargar Matth­í­as­dótt­ir, aðal­eig­anda útgerð­ar­ris­ans Ísfé­lags Vest­manna­eyja. Fyr­ir­tækja­sam­steypa Guð­bjarg­ar, sem er stýrt af Ein­ari Sig­urðs­syni syni henn­ar, hefur haslað sér völl mun víðar en ein­ungis í sjáv­ar­út­vegi. Þannig keypti fjöl­skyldan ÍSAM ehf. (Ís­lensk-Am­er­íska), eitt stærsta inn­flutn­ings- og fram­leiðslu­fyr­ir­tæki lands­ins árið 2014. Tveimur árum síðar keypti ÍSAM síðan Korpu­torg, stærsta atvinnu­hús­næði lands­ins, með það fyrir augum að koma allri starf­semi fyr­ir­tæk­is­ins fyrir þar auk þess sem hægt yrði að þróa ann­ars konar starf­semi þar sem risa­vaxið bíla­stæði er í dag. Nýverið var til að mynda kynnt að til stæði að byggja þar gagna­ver.

Auglýsing

Í ræðu sinni um helg­ina fjall­aði Þor­gerður Katrín meðal ann­ars um auð­linda­gjöld á sjáv­ar­út­veg og sagði að hægt væri að horfa til Vest­manna­eyja til að sjá hvernig auð­ur­inn af auð­lind­inni skipt­ist. „Hluti af verð­mæta­sköpun sjáv­ar­út­vegs­ins þar hefur safn­ast saman í marg­vís­legum og mis­mun­andi rekstri á Korpu­torgi í Reykja­vík. Í sjálfu sér teljum við það bæði gott og heil­brigt. En í okkar til­lögum felst að stórum hluta af auð­linda­gjald­inu verði varið til inn­viða­fjár­fest­ingar á lands­byggð­inni. Ef fjórð­ungnum af Korpu­torgs­fjár­fest­ing­unni hefði í gegnum auð­linda­gjöld verið varið til inn­viða­fjár­fest­inga í heil­brigð­is­þjón­ustu og sam­göngum fyrir Vest­mann­ey­inga væri það sam­fé­lag betur sett eftir breyt­ingar en fyr­ir. Ann­ars staðar gæti slík inn­viða­styrk­ing í gegnum auð­linda­gjaldið stuðlað að fjár­fest­ingu í nýjum atvinnu­tæki­fær­um.“

Þriðja atriðið í ræðu hennar sem heim­færa má upp á stjórn­endur og eig­endur Morg­un­blaðs­ins kom fram undir lok henn­ar, þegar Þor­gerður Katrín var að fjalla um sveit­ar­stjórn­ar­mál. Líkt og þekkt er verður Eyþór Arn­alds odd­viti Sjálf­stæð­is­flokks­ins í Reykja­vík í kom­andi borg­ar­stjórn­ar­kosn­ing­um, en hann keypti stóran hlut í Morg­un­blað­inu í fyrra. Þor­gerður Katrín sagði í ræðu sinni að það mætti ekki ger­ast að „Sjálf­stæð­is­flokk­ur­inn með allt sitt íhald kom­ist til valda á grunni orð­ræðu odd­vit­ans sem end­ur­speglar gömlu valda­blokk­irnar í Sjálf­stæð­is­flokkn­um. Og alltaf þegar vonir eru bundnar við að gam­al­kunnar risa­eðlur séu að slaka á klónni, birt­ast þær skyndi­lega eins og grameðl­urnar í Júra­garð­inum.“ Þær gömlu valda­blokkir sem hún vísar til eru þeir hópar innan Sjálf­stæð­is­flokks­ins sem fylgja Davíð Odds­syni, fyrr­ver­andi for­manni flokks­ins og núver­andi rit­stjóra Morg­un­blaðs­ins, að mál­um.



Kristbjörn Árnason
Pantaðar pólitískar tillögur frá OECD og AGS
Leslistinn 18. september 2019
Nú geta mötuneyti sýnt kolefnisspor máltíða
Kolefnisreiknivélin Matarspor sem reiknar og sýnir kolefnisspor máltíða og ber það saman við akstur fólksbíla stendur nú mötuneytum og matsölustöðum til boða gegn greiðslu. Reiknivélin á að auðvelda fólki að taka upplýstar ákvarðanir um eigin neyslu.
Kjarninn 18. september 2019
Aukið flæði bankaupplýsinga það sem koma skal
Með nýrri Evróputilskipun gefst fólki tækifæri til að velja að deila fjármálagögnum sínum með fyrirtækjum sem hyggjast bjóða þeim upp á fjármálatengda þjónustu. Samkvæmt Persónuvernd er mikilvægt að fyrirtæki útskýri vel skilmála fyrir viðskiptavinunum.
Kjarninn 18. september 2019
Bandarískum ferðamönnum fækkar mest
Bandaríkjamenn þykja verðmætir ferðamenn þar sem þeir eyða hlutfallslega miklu þrátt fyrir að stoppa stutt. Þeim hefur þó fækkað verulega frá falli WOW air og voru brottfarir Bandaríkjamanna frá landinu 36 prósent færri í ágúst en í fyrra.
Kjarninn 18. september 2019
Fasteignaverð hækkað lítið eitt á undanförnu ári
Fasteignamarkurðinn hefur kólnað umtalsvert, undanfarin misseri.
Kjarninn 17. september 2019
Fjögur samtök hlutu viðurkenningu Íslandsdeidlar Amnesty.
Skipuleggjendur loftslagsverkfallanna hlutu viðurkenningu Amnesty
Fjögur samtök hlutu viðurkenningu Íslandsdeildar Amnesty International fyrir forystu hérlendis í baráttunni gegn loftslagsbreytingum. Allsherjarverkfallsvika fyrir loftslagið hefst núna á föstudaginn.
Kjarninn 17. september 2019
Skeljungur kaupir Basko á 30 milljónir og yfirtöku skulda
Basko, fyrirtæki sem var áður stýrt af nýráðnum forstjóra Skeljungs, hefur verið selt til Skeljungs. Hlutur í Eldum Rétt verður undanskilin kaupunum.
Kjarninn 17. september 2019
Telja Jónas hæfastan
Dómnefnd um hæfni umsækjenda um embætti dómara hefur skilað umsögn sinni um umsækjendur um embætti dómara sem mun hafa starfsstöð við Héraðsdóm Reykjaness en sinna störfum við alla héraðsdómstóla.
Kjarninn 17. september 2019
Meira úr sama flokkiInnlent