Hannes Smára­son er hættur sem for­stjóri WuXI NextCODE, sem hann tók þátt í að stofna og byggja upp frá árinu 2013. Hannes mun þó áfram verða aðal­ráð­gjafi fyr­ir­tæk­is­ins, sam­kvæmt skrifum Bio-ItWorld, sem er sér­hæfður vefur á sviði heil­brigð­is- og tækni­geirans.

Rob Brain­in, sem verið hefur meðal stjórn­enda fyr­ir­tæk­is­ins, tekur við for­stjóra­hlut­verk­inu af Hann­es­i. 

Upp­bygg­ing fyr­ir­tæk­is­ins hefur verið ævin­týri lík­ust. Fyrir rúm­lega þremur árum varð það til þeg­ar Kín­versk-­­banda­ríska líf­­tækn­i­­fyr­ir­tækið WuXi Pharma Tech keypti NextCODE Health, sem áður var dótt­­ur­­fé­lag Íslenskrar erfða­­grein­ing­­ar, fyrir 65 millj­­ónir Banda­­ríkja­dala, eða sem nam um 8,4 millj­­örðum króna miðað við þáver­andi geng­i. 

Um var að ræða ein stærstu við­skipti í íslenskum hug­bún­að­ar­geira frá upp­hafi.

Sam­einað fyr­ir­tæki ­fékk nafnið WuXi NextCODE Gen­omics og hefur verið með starf­­­semi í Kína, Banda­­­ríkj­un­um og á Ísland­i. 

Íslensk erfða­­grein­ing stofn­aði fyr­ir­tæk­ið til að selja sjúk­­­dóms­­­grein­ing­ar til lækna og sjúkra­húsa á Banda­­ríkja­­mark­að­i í gegnum hug­bún­að. 

Í sept­em­ber í fyrra var til­kynnt um að fyr­ir­tækið hefði lokið fjár­mögnun upp á 240 millj­ónir Banda­ríkja­dala, eða sem nemur um 24 millj­örðum króna. 

Fyrir tæpri viku, 7. síð­ast­lið­inn, sendu WuXI og Google svo frá sér sam­eig­in­lega til­kynn­ingu þar sem greint var frá sam­starfi fyr­ir­tækj­anna. Framundan er frek­ari vöxtur og land­vinn­ingar á sviði heil­brigð­is­tækni, að því er segir í til­kynn­ingu vegna sam­starfs­ins.