„Ódýri forstjórinn“ hjá N1 með 5,9 milljónir á mánuði

Forstjóri N1 lýsti sjálfum sér sem „ódýra forstjóranum“ þegar hann tók við starfinu. Mánaðarlaun hans hafa síðan hækkað um tæplega 60 prósent. Verkalýðsforystan fordæmir launahækkunina og krefst sambærilegra kjarabóta fyrir annað starfsfólk.

N1 collage
Auglýsing

Egg­ert Þór Krist­ó­fers­son, for­stjóri N1, var með tæpar 5,9 millj­ónir króna á mán­uði í laun á síð­asta ári. Heild­ar­laun hans á því ári námu 70,5 millj­ónum króna og hækk­uðu um rúm­lega 12 millj­ónir króna á árinu, eða um eina milljón króna á mán­uði.

Egg­ert Þór tók við for­stjóra­starf­inu í N1 í lok febr­úar 2015. Hann hafði áður verið fjár­mála­stjóri þess. Þegar Egg­ert Þór tók við for­stjóra­starf­inu af Egg­erti Bene­dikt Guð­munds­syni, sem var sagt upp störf­um, var sú upp­sögn sögð vera liður í kostn­að­ar­lækkun N1. Egg­ert Bene­dikt hafði verið með 55,9 millj­ónir króna í laun á árinu 2014, eða tæp­lega 4,7 millj­ónir króna á mán­uði.

Í við­tali við Við­skipta­blaðið í byrjun mars 2015 sagði Egg­ert Þór að það sæist í árs­skýrslu félags­ins að hann væri „ódýri for­stjór­inn“. Laun hans fyrsta árið sem hann sat í stóli for­stjóra voru lægri en laun fyr­ir­renn­ara sín.  Heild­ar­laun hans á því ári voru 43,8 millj­ónir króna, eða tæp­lega 3,7 millj­ónir króna á mán­uði. Í fyrra höfðu mán­að­ar­laun Egg­erts Þórs hins vegar hækkað um 2,2 millj­ónir króna á tveimur árum og heild­ar­laun hans á ári um 26,7 millj­ónir króna á sama tíma.

Auglýsing

Stærstu eig­endur N1 eru þrír stærstu líf­eyr­is­sjóðir lands­ins: Líf­eyr­is­sjóður versl­un­ar­manna, Gildi líf­eyr­is­sjóður og Líf­eyr­is­sjóður starfs­manna rík­is­ins. Þá er Birta líf­eyr­is­sjóður fimmti stærsti eig­andi félags­ins.

Laun stjórn­ar­manna N1 hafa líka hækkað á þessu tíma­bili. Mar­grét Guð­munds­dótt­ir, stjórn­ar­for­maður N1, var með 7,3 millj­ónir króna í laun árið 2014. Í fyrra voru heild­ar­laun hennar fyrir stjórn­ar­for­mennsk­una 8,9 millj­ónir króna og hafa því hækkað um 1,6 millj­ónir króna á nokkrum árum. Mán­að­ar­laun Mar­grétar eru 720 þús­und krón­ur.

Helgi Magn­ús­son, vara­for­maður stjórn­ar­inn­ar, er með rúm­lega 6,4 millj­ónir króna í árlegar tekjur fyrir stjórn­ar­störf­in. Hann fékk 4,8 millj­ónir króna fyrir árið 2014 og því hafa árs­laun hans hækkað um 1,6 millj­ónir króna á tíma­bil­inu.

Verka­lýðs­for­ystan for­dæmis launa­hækk­un­ina

Fregnir af launa­hækk­unum for­stjóra N1 hefur farið illa í verka­lýðs­for­yst­una. Ragnar Þór Ing­ólfs­son, for­maður VR, stærsta stétt­ar­fé­lags lands­ins, segir í stöðu­upp­færslu á Face­book að hann, Sól­veig Anna Jóns­dótt­ir, verð­andi for­maður Efl­ing­ar, Vil­hjálmur Birg­is­son, for­maður Verka­lýðs­fé­lags Akra­ness, og Aðal­steinn Bald­urs­son, for­maður verka­lýðs­fé­lags­ins Fram­sýn­ar, for­dæmi launa­hækk­anir æðstu stjórn­enda og for­stjóra N1. Laun for­stjór­ans jafn­gildi launa­töxtum 22 afgreiðslu­manna hjá N1. „N1 er að stórum hluta í eigu íslenskra líf­eyr­is­sjóða og því alveg ljóst að líkt og stjórn­völd ætla sam­tök atvinnu­lífs­ins og líf­eyr­is­sjóð­irnir að gefa tón­inn fyrir kom­andi kjara­við­ræð­ur. Við skorum á stjórn­endur N1 að veita starfs­fólki sínu sam­bæri­legar kjara­bætur taf­ar­laust.“



Vil­hjálmur segir í stöðu­upp­færslu á Face­book, þar sem hann tengir inn á frétt um launa­hækkun Egg­erts Þórs, að sjálf­taka og græðgi stjórn­enda íslenskra fyr­ir­tækja haldi áfram eins og engin sé morg­un­dag­ur­inn. „Rétt er að geta þess að líf­eyr­is­sjóðir launa­fólks eiga uppundir 50% í N1 og það er líka rétt að geta þess að það þarf 22 afgreiðslu­menn á launa­töxtum sem gilda fyrir afgreiðslu­fólk á bens­ín­stöðvum til að ná mán­að­ar­launum for­stjór­ans.

Ég vil tala tæpitungu­laust við full­trúa Sam­taka atvinnu­lífs­ins, stjórn­valda og for­svars­menn líf­eyr­is­sjóð­anna: þið skulið búa ykkur undir átök verka­fólks sem ekki hefur sést á íslenskum vinnu­mark­aði áður. Þetta var kornið sem stút­fyllti mæl­inn!

Að gefnu til­efni bið ég alla um að skamm­ast ekki í afgreiðslu­fólk­inu hjá N1 því þau geta alls ekk­ert gert að þessu og þeim er líka mis­boðið yfir þess­ari skefja­lausu græðgi for­stjór­ans og lyk­il­stjórn­enda eins og öðrum í þessu þjóð­fé­lag­i.“

Flestir þeirra kvótaflóttamanna sem koma til Íslands eru Sýrlendingar sem dvelja í Líbanon. Á meðan að kvótaflóttamönnum fjölgar fækkar þeim sem koma hingað á eigin vegum til að sækja um hæli.
Mun færri flóttamenn hafa sótt um hæli í ár en árin á undan
Miðað við þann fjölda flóttamanna sem sótt hefur um hæli hérlendis það sem af er ári mun þeim sem sækja hér um hæli fækka um rúmlega 40 prósent milli ára. Til stendur að borga flóttamönnum fyrir að draga umsóknir til baka.
Kjarninn 19. október 2018
Veraldarvarpið
Veraldarvarpið
Veraldarvarpið – Morðið á Khashoggi og ímynd krónprinsins
Kjarninn 19. október 2018
Auðun Freyr Ingvarsson
Telur túlkun Innri endurskoðunar villandi
Fráfarandi framkvæmdastjóri Félagsbústaða telur túlkun Innri endurskoðunar ekki vera í samræmi við þær áætlanir sem kynntar voru fyrir stjórn árin 2015 og 2016, þar sem gerð hafi verið grein fyrir stöðu verkefnisins við endurbætur á íbúðum við Írabakka.
Kjarninn 19. október 2018
Þórður Snær Júlíusson
Réttur ríkra til að vera látnir í friði
Kjarninn 19. október 2018
Upp og niður
Fasteignaverð er eitthvað sem fólk hefur jafnan augun á enda er sparnaður fólks oft bundinn í húsnæði. Mikill uppgangur hefur verið á fasteignamarkaði á undanförnum árum, en nú er verulega farið að hægja á hækkun fasteignaverðs.
Kjarninn 19. október 2018
Stórfelld svikamylla afhjúpuð
Átján evrópskir fjölmiðlar hafa undir hafa undir verkstjórn þýsku rannsóknarfréttastofunnar Correctiv afhjúpað einhver mestu skattsvik sögunnar. Nokkrir af stærstu bönkum heims eru flæktir í svikamylluna.
Kjarninn 19. október 2018
Tveir frambjóðendur til formennsku hjá BSRB
Tveir bítast um embætti formanns BSRB. Lögfræðingur og stuðningsfulltrúi á Kleppi.
Kjarninn 18. október 2018
Samkeppniseftirlitið ógildir lyfjasamruna í Mosfellsbæ
Samkeppniseftirlitið segir reynsluna af virkri samkeppni á lyfjamarkaði í Mosfellsbæ hafa verið góða.
Kjarninn 18. október 2018
Meira úr sama flokkiInnlent