Meðal helstu breyt­inga sem nú hafa verið gerðar á úthlut­un­ar­reglum Lána­sjóðs íslenskra náms­manna fyrir náms­árið 2018 til 2019 eru að fram­færslu­grunnur náms­manna inn­an­lands hækkar og ein­stak­lingar sem njóta alþjóð­legrar verndar eða hafa dval­ar­leyfi á Íslandi vegna mann­úð­ar­sjón­ar­miða eiga rétt á náms­lán­um.

Þetta kemur fram í til­kynn­ingu frá mennta- og menn­ing­ar­mála­ráðu­neyt­in­u. 

Í henni segir að jafn­framt að ein­stak­lingar sem fengið hafa alþjóð­lega vernd hér á landi eða hafa dval­ar­leyfi á grund­velli mann­úð­ar­sjón­ar­miða eigi nú rétt á náms­lánum hjá lána­sjóð­inum séu þeir komnir til lands­ins og stað­fest­ing Útlend­inga­stofn­unar á rétt­ar­stöðu þeirra eða dval­ar­leyfi liggi fyr­ir.

Stjórn Lána­sjóðs íslenskra náms­manna hefur sam­þykkt end­an­legar úthlut­un­ar­reglur fyrir náms­árið 2018 til 2019 og Lilja Alfreðs­dóttir mennta- og menn­ing­ar­mála­ráð­herra stað­fest þær. 

„Við styrkjum stöðu allra náms­manna með því að hækka fram­færslu­grunn LÍN, og það eflir íslenskt sam­fé­lag að fólk sem dvelst hér hafi tæki­færi til að mennta sig,“ segir Lilja. 

Fram­færslu­grunnur náms­manna inn­an­lands hækkar úr 92 pró­sent af reikn­aðri fram­færslu þeirra í 96 pró­sent, segir í til­kynn­ing­unni. Þannig er ráð­gert að ráð­stöf­un­ar­tekjur náms­manna standi aðeins undir 4 pró­sent af reikn­aðri fram­færslu­þörf þeirra á náms­tím­anum í stað 8 pró­sent áður.