Sam­kvæmt nýrri könnun Ferða­mála­stofu þá hafa Íslend­ingar aldrei ferð­ast meira til útlanda, en á síð­asta ári, en könn­unin hefur verið gerð með sam­bæri­legum hætti frá árinu 2010.

Um 80 pró­sent svar­enda sögð­ust hafa farið til útlanda, og með­al­talið var um 2,6 ferðir á ári. Bret­land var vin­sæl­ast en þar á eftir komu Spánn og Portú­gal. 

Sé horft til ferða­laga inn­an­lands þá fóru um 84 pró­sent svar­enda í 6,2 ferðir á ári, og var meg­in­til­gang­ur­inn að taka sér frí eða skemmta sér, eins og von er.

Könn­unin hefur verið fram­kvæmd árlega með sam­bæri­legum hætti frá árinu 2010.

Í henni eru þátt­tak­endur beðnir um að taka afstöðu til nokk­urra full­yrð­inga um áhrif ferða­þjón­ustu og er áhuga­vert að sjá hvernig við­horfin hafa breyst ár frá ári. „Svo virð­ist sem greina megi aukna jákvæðni til flestra þátta sem spurt er um frá því í fyrra,“ segir í umfjöllun Ferða­mála­stofu. 

Um níu svar­endur af hverjum tíu áforma ferða­lög á yfir­stand­andi ári og eru ferða­á­form fjöl­breytt sem fyrr. Um helm­ingur nefndi sum­ar­bú­staða­ferð og borg­ar­ferð erlend­is, litlu færri heim­sókn til vina og ætt­ingja og 37% stefna á sól­ar­landa­ferð.