Íslenska sprota­fyr­ir­tækið Kúla sem fram­leiðir þrí­vídd­ar­linsur fyrir mynda­vélar hefur lokið fyrstu fjár­mögnun félags­ins en það hefur hingað til verið rekið meðal ann­ars á styrkjum frá Tækni­þró­un­ar­sjóði og sölu á þrí­vídd­ar­linsum fyrir stórar mynda­vél­ar. 

Helga Við­ars­dóttir sá um fjár­mögn­un­ina sem nemur um 30 millj­ónum króna. 

Þrí­vdídd­ar­l­insa fyrir far­síma 

Kúla er nú að gefa út Kúlu Bebe, þrí­vídd­ar­linsu fyrir snjall­tæki. Tækið gefur hverjum sem er kost á að taka myndir og mynd­bönd í þrí­vídd og með fylgja ein­faldar lausnir með til að skoða afrakst­ur­inn. 

Stuðn­ings­menn á hóp­fjár­mögn­un­ar­síð­unni Kickstarter hafa beðið vör­unnar með eft­ir­vænt­ingu í yfir 2 ár. Tækið er þróað og fram­leitt á Íslandi í nánu sam­starfi við Vél­vík sem býr yfir heimsklassa fram­leiðslu­tækjum og fram­leiðslu­þekk­ingu. Þar voru mótin fyrir tækin smíðuð og síðan sprautu­steypt. 

Tækj­unum er púslað saman og pakkað á lít­illi skrif­stofu Kúlu í Innovation House á Eiðis­torgi. Þessi fyrsta fram­leiðsla kemur í tak­mörk­uðu upp­lagi. Íslend­ingar fá þó tæki­færi til að eign­ast ein­tak því Kúla Bebe kemur fyrst í sölu á Íslandi og er núþegar fáan­legt í versl­unum Voda­fo­ne, en opnað verður á alþjóð­lega sölu með vor­in­u. 

Íris Ólafs­dóttir stofn­andi Kúlu er með þá sýn að fólk verði að fá að upp­götva töfra eigin þrí­vídd­ar­mynda. ,,Ég verð fyrir hug­hrifum í hvert ein­asta sinn sem ég skoða gamlar þrí­vídd­ar­myndir af dóttur minni, hún var tveggja ára þegar ég fór að prófa mig áfram með fyrstu frum­gerð og þetta er eins og að stíga inn í tíma­vél. Ég fæ ennþá þessa ‚vá‘ til­finn­ingu, það er eins og maður finni fyrir nær­ver­unni. En fólk verður að prófa til að skilja,“ segir Íris.