Fjár­mála­eft­ir­litið (FME) gerði athuga­semd við að rekstr­ar­samn­ingur Stefnis hf. við „til­tekið félag“, eins og orð­rétt segir í til­kynn­ingu FME, sam­ræmd­ist ekki starfs­heim­ildum félags­ins sam­kvæmt 27. gr. laga nr. 161/2002 um fjár­mála­fyr­ir­tæki. 

Þetta kemur fram í til­kynn­ingu frá FME. 

Stefnir er dótt­ur­fé­lag Arion banka og er með um 300 millj­arða króna í eigna­stýr­ingu.

Í til­kynn­ing­unni segir enn fremur að starfs­heim­ildir rekstr­ar­fé­laga séu tæm­andi taldar í lögum og „fellur bein aðild ­Stefnis hf. að slíkum rekstr­ar­samn­ingi ekki þar inn­an.“

FME taldi að áhættu­stýr­ing­ar­stefna Stefnis hf. upp­fyllti ekki að fullu ákvæði 6. kafla ­reglu­gerðar nr. 471/2014 og gerði athuga­semd við að í stefn­una vant­aði ítar­legri skil­grein­ing­ar og umfjöllun um nokkrar teg­undir áhættu, að því er segir í til­kynn­ingu FME. 

Fjár­mála­eft­ir­litið hóf athugun á til­greindum þáttum áhættu­stýr­ingar hjá Stefni hf., sem hef­ur ­starfs­leyfi sem rekstr­ar­fé­lag verð­bréfa­sjóða, í októ­ber 2017. 

Mark­mið athug­un­ar­innar var með­al­ ann­ars að fá yfir­sýn yfir verk­lag félags­ins og ferla varð­andi ákvarð­ana­töku við fjár­fest­ingar og ­leggja mat á fyr­ir­komu­lag og virkni innra eft­ir­lits og áhættu­stýr­ing­ar, með til­liti til laga nr. 128/2011, um verð­bréfa­sjóði, fjár­fest­ing­ar­sjóði og fag­fjár­festa­sjóði og reglu­gerðar nr. 471/2014 um skipu­lags­kröfur rekstr­ar­fé­laga.

Stefnir hf. hefur upp­lýst Fjár­mála­eft­ir­litið um að grip­ið hefur verið til við­eig­andi ráð­staf­ana til að bæta úr þeim atriðum er lutu að athuga­semd­inni, að því er segir í til­kynn­ingu FME.

Athuga­semd var gerð við að Stefnir hf. lét á tíma­bil­inu 1. júlí 2016 til 30. júní 2017 hjá líða að til­kynna til Fjár­mála­eft­ir­lits­ins alls sjö til­vik er fjár­fest­ingar fóru umfram leyfi­leg mörk fjár­fest­ing­ar­heim­ilda laga. 

Jafn­framt gerði Fjár­mála­eft­ir­litið athuga­semd við það að eign fjár­fest­ing­ar­sjóðs í rekstri Stefnis hf. í útgáfu skulda­bréfa hafi verið umfram fjár­fest­ing­ar­heim­ild­ir laga sbr. 1. mgr. 59. gr. sbr. 2. tl. 1. mgr. 40. gr. laga nr. 128/2011 í tvö ár. Með hlið­sjón af atvik­um ­máls og þeim úrbótum sem Stefnir hf. hefur gripið til með breyt­ingum á verk­lagi í tengslum við til­kynn­ingar á frá­vikum frá fjár­fest­ing­ar­mörkum til Fjár­mála­eft­ir­lits­ins ákvað eft­ir­litið að beita ­fé­lagið ekki við­ur­lögum vegna máls­ins.