Verð á Norðu­sjáv­ar­olíu hefur hækkað úr 46 Banda­ríkja­dölum í fyrra, í um 73 Banda­ríkja­dali nú. Þetta hefur meðal ann­ars leitt til þess að flug­far­gjöld víða um heim hafa farið hækk­and­i. 

Flug­fé­lög geta fundið veru­lega fyrir þessum hækk­un­um, þar sem erf­ið­ara getur verið fyrir þau að selja fólki flug á hag­stæðum verð­u­m. 



Jón Bjarki Bents­son, aðal­hag­fræð­ingur Íslands­banka, segir í við­tali við Morg­un­blaðið í dag nú þegar sé olíu­verð á Íslandi til neyt­enda búið að hækka um þrjú pró­sent á skömmum tíma.

„Hækk­andi heims­mark­aðs­verð á elds­neyti er þeg­ar farið að hafa á­hrif á elds­neyt­is­verð hér á land­i. Verð á bens­íni og ­díselolíu hér­lend­is hefur hækk­að um ríf­lega 3% að ­jafn­aði frá byrj­un a­príl sam­kvæmt okkar mæl­ing­um. Elds­neyt­is­verð ­vegur rúm 3% í vísi­tölu neyslu­verðs, og því jafn­gild­ir þessi hækkun 0,1% heild­ar­aukn­ing­u á neyslu­út­gjöldum heim­il­anna und­an­farnar vik­ur,“ segir Jón Bjarki. 

Sam­kvæmt umfjöllun Wall Street Journal þá er jafn­vel gert ráð fyrir því, að verð geti haldið áfram að hækka á næst­unni, þó fram­leiðsla hafi verið mikil að und­an­förnu, sam­kvæmt nýrri skýrslu OPEC ríkja.

Lágt olíu­verð und­an­farin ár hefur verið Íslandi hag­fellt, þar sem það hefur hjálpað til við að halda verð­bólg­unni í skefj­um. Verð­bólga hér á landi mælist nú 2,3 pró­sent, en verð­bólgu­mark­mið Seðla­banka Íslands er 2,5 pró­sent.