Hró­bjartur Jón­atans­son hrl. hyggst leggja fram til­lögu á aðal­fundi Frjálsa líf­eyr­is­sjóðs­ins, þess efnis að sjóð­ur­inn ­leiti til óháðra lög­manna og end­ur­skoð­enda til þess að meta hvort ráð­gjöf Arion banka til sjóðs­ins um ríf­lega 1.200 millj­óna króna fjár­fest­ing­u í United Sil­icon stand­ist lög.

Frá þessu er greint í Morg­un­blað­inu í dag, en Hró­bjartur hefur í blaða­greinum gagn­rýnt sjóð­inn, þar sem hann er sjóð­fé­lagi, fyrir óábyrgar fjár­fest­ing í tengslum við upp­bygg­ingu United Sil­icon í Helgu­vík. „Nú liggur fyrir að þessir fjár­mun­ir eru glat­aðir og að sjóð­fé­lag­ar ­sitji uppi með tjón­ið,“ segir Hró­bjartur í sam­tali við Morg­un­blað­ið. 

Hann hyggst einnig bjóða ­sig fram til stjórn­ar­setu í sjóðn­um. ­Með því seg­ist hann vilja beita sér­ ­fyrir því að skilið verði milli Frjálsa og Arion banka, sem ann­ast rekst­ur ­sjóðs­ins og skipar auk þess þrjá af fjórum full­trúum í stjórn. 

Þá hyggst Hall­dór Frið­rik Þor­steins­son leggja fram breyt­ing­ar­til­lögu á sam­þykktum sjóðs­ins, númer 4.9, en hún er svona:

„Arion banki hf. skal ann­ast dag­legan rekstur sjóðs­ins skv. rekstr­ar­samn­ingi sem stjórn sjóðs­ins og Arion banki hf. gera þar að lút­andi. Þetta sam­komu­lag skal sent Fjár­mála­eft­ir­lit­inu eða öðru hlut­að­eig­andi stjórn­valdi til kynn­ing­ar.“

Hall­dór Frið­rik vill að þetta verði fellt út úr sam­þykktum sjóðs­ins, svo hún bindi ekki stjórn sjóðs­ins til að skipta við Arion banka þegar kemur að rekstri hans.