Afgangur af við­skiptum var 300 millj­ónir króna á fyrsta árs­fjórð­ungi 2018. Líkt og á síð­ustu árum þá er það mik­ill afgangur vegna þjón­ustu­við­skipta, þar sem ferða­þjón­ustan er lang­sam­lega stærsti þátt­ur­inn, sem heldur við­skipta­jöfn­uð­inum við útlönd jákvæð­um.

Halli á vöru­skipta­jöfn­uði var 27,8 millj­arðar króna en afgangur á þjón­ustu­jöfn­uð­i var 32,6 millj­arð­ar­. Frum­þátta­tekjur voru með 0,1 millj­arða halla halla og rekstr­ar­fram­lög um 4,3 millj­arða króna halla.

Þetta kemur fram í nýbirtum upp­lýs­ingum á vef Seðla­banka Íslands sem sýna bráða­birgða­yf­ir­lit um greiðslu­jöfnuð við útlönd á fyrsta árs­fjórð­ungi 2018 og erlenda stöðu þjóð­ar­bús­ins í lok árs­fjórð­ungs­ins.

Sé miðað við stöð­una á fyrsta árs­fjórð­ungi í fyrra, þá minnkar afgangur vegna þjón­ustu um tæp­lega 10 millj­arða, en hann var 41,3 millj­arðar á fyrsta árs­fjórð­ungi 2017.

Sam­kvæmt bráða­birgða­yf­ir­lit­inu námu erlendar eignir þjóð­ar­bús­ins 3.096 millj­örðum króna í lok árs­fjórð­ungs­ins en skuldir 2.861 millj­örðum króna. 

Hrein staða við útlönd var því jákvæð um 235 millj­arðar króna eða 9% af vergri lands­fram­leiðslu (VLF) og batn­aði um 55 millj­arðar króna eða 2,1% af lands­fram­leiðslu. 

Miklar sveiflur eru í yfir­leitt í þjón­ustu­tekjum þjóð­ar­búss­ins, og þar skiptir mikil árs­tíð­ar­sveifla miklu máli, en sum­ar­mán­uð­irnir eru háanna­tími í ferða­þjón­ust­unni.