„Hag­vöxtur mæld­ist 5,4% á fyrsta fjórð­ungi árs­ins borið saman við sama tíma­bil í fyrra. Þetta er tölu­vert meiri vöxtur en verið hefur á síð­ustu fjórð­ungum og þarf að fara aftur til 4. árs­fjórð­ungs 2016 til að sjá hærri töl­ur. Hag­vöxtur var bor­inn uppi af vexti útflutn­ings, auk­inni fjár­muna­myndun og einka­neyslu. Áhrif útflutn­ings­ins voru þó mest og voru þau til jafns við sam­an­lögð áhrif einka­neyslu og fjár­fest­ing­ar.“

Þetta segir í Hag­sjá Lands­bank­ans, þar sem fjallað er nýj­ustu hag­vaxt­ar­tölur Hag­stofu Íslands.

Vöxtur einka­neyslu hefur dreg­ist nokkuð saman milli ára, en hann var um tíu pró­sent í fyrra en mæld­ist tæp­lega 6 pró­sent í byrjun þessa árs. 

Íbúða­fjár­fest­ing er kröftug um þessar mund­ir, enda talið að byggja þurfi yfir 10 þús­und íbúðir á næstu þremur árum til að ná meira jafn­vægi á hús­næð­is­mark­aði, einkum á höf­uð­borg­ar­svæð­in­u. 

Heild­ar­fjár­fest­ing jókst um 11,6% á tíma­bil­inu milli­ ára og var bor­inn uppi af auk­inni atvinnu­vega- og ­í­búða­fjár­fest­ingu, að því er segir í hag­sjánn­i. 

Atvinnu­vega­fjár­fest­ing jókst um 7,1% en íbúða­fjár­fest­ing um 38% en mjög mik­ill vöxtur hefur verið í íbúða­fjár­fest­ingu á síðust­u miss­erum, og má segja að hún sé stóri áhrifa­þátt­ur­inn í hag­vaxt­ar­töl­unum í upp­hafi árs­ins. 

Opin­ber fjár­fest­ing jókst hins veg­ar ein­ungis um 2,2% sem er tölu­vert minni vöxtur en á öllum fjórð­ungum síð­asta árs. Að með­al­tali jókst fjár­fest­ing hins opin­bera um 22,6% á síð­asta ári. Fjár­fest­ing í skipum og flug­vélum er liður sem hef­ur oft tölu­verð áhrif á atvinnu­vega­fjár­fest­ingu. Sé lit­ið fram­hjá fjár­fest­ingu í skipum og flug­vélum jókst at­vinnu­vega­fjár­fest­ing um 5,5% og má af því ráða að fjár­fest­ing í skipum og flug­vélum hafi auk­ist milli­ ára.

Vöru­út­flutn­ingur verið að aukast

Útflutn­ingur jókst um 10,2% sem er mesti vöxt­ur hans síðan á þriðja fjórð­ungi árs­ins 2016. Þenn­an ­mikla vöxt má rekja til 17,5% aukn­ing­ar vöru­út­flutn­ings milli ára. Sú aukn­ing var tölu­vert ­meiri en í þjón­ustu­út­flutn­ingi „sem eru tölu­verð ­tíð­indi því að vöxtur þjón­ustu­út­flutn­ings hefur ver­ið ­meiri en vöru­út­flutn­ings á síð­ustu árum,“ segir í hag­sjánni. Fara þarf aftur til 2. fjórð­ungs 2014 til að finna meiri vöxt í vöru­út­flutn­ingi en þjón­ustu­út­flutn­ingi. Þenn­an ­mikla vöxt í vöru­út­flutn­ingi má rekja til mik­ill­ar aukn­ingar í útflutn­ingi þorsks milli ára.