Tekjuafkoma ríkisins eykst milli ára

Tekjur umfram gjöld ríkissjóðs hafa aukist umtalsvert frá síðasta ári samhliða lækkun opinberra skulda, þrátt fyrir hærri launakostnað og meiri samneyslu.

_abh2215_9954187243_o.jpg Höfðatorg byggingar framkvæmdir
Auglýsing

Afgangur í rekstri hins opin­bera  var hærri á fyrsta árs­fjórð­ungi þessa árs en á sama tíma­bili fyrir ári síð­an, þrátt fyrir meiri sam­neyslu og hærri launa­kostn­að. Sam­hliða því hafa skuldir hins opin­bera lækkað tölu­vert. Þetta kemur fram í nýbirtum tölum Hag­stofu um fjár­mál hins opin­bera.

Tekjur hins opin­bera umfram gjöld nam 9,6 millj­örðum króna á fyrsta árs­fjórð­ungi 2018, eða um 1,5% af lands­fram­leiðslu fyrir sama tíma­bil. Til sam­an­burðar var tekju­af­koma rík­is­sjóðs fyrir sama tíma­bil í fyrra jákvæð um 8,4 millj­arða króna.

Auglýsing

Aðal­á­stæður bættrar afkomu rík­is­sjóðs í ár eru hærri skatt­tekjur og minni vaxta­kostn­að­ar, en skatt­tekjur og trygg­inga­gjöld juk­ust um 6,2%, á meðan vaxta­gjöld hafa lækkað um 14,9%. Báðir lið­irnir voru nægir til að auka afgang hins opin­bera, þrátt fyrir 2,9% aukn­ingu í sam­neyslu og 7,9% hækkun launa­kostn­að­ar.

Skuldahlutfall ríkissjóðs 2013-2018. Heimild: Hagstofa.

Heild­ar­skuldir hins opin­bera eru nú 58,9% af vergri lands­fram­leiðslu, miðað við 63,3% fyrir sama tíma­bil í fyrra. Skulda­hlut­fall rík­is­sjóðs hefur lækkað jafnt og þétt frá árinu 2013, en þá nam það rúmum 100% af lands­fram­leiðslu.  Meg­in­þátt­ur­inn í lækkun skulda­hlut­falls­ins þessa árs er sam­dráttur erlendra lána, en þau minnk­uðu um rúma 90 millj­arða króna milli ára.



Meira úr sama flokkiInnlent