Inn­herja­svika­mál fyrr­ver­andi for­stöðu­manns leiða­kerf­is­stjórn­unar Icelanda­ir, auk tveggja ann­arra, verður þing­fest í vik­unni en talið er að brot mann­anna hafi staðið yfir í rúm­lega sextán mán­uði. Upp­töku á rúmum 90 millj­ónum króna er kraf­ist í mál­inu.

Þetta kemur fram í Frétta­blað­inu í morgun.

Jafn­fram er greint frá því að talið sé að menn­irnir þrír sem grun­aðir eru um að hafa not­fært sér inn­herj­a­upp­lýs­ingar í við­skiptum með hluta­bréf í Icelandair hafi hagn­ast um rúm­lega 61 milljón króna með gjörn­ingn­um. Hin ætl­uðu brot eigi að hafa átt sér stað á tíma­bil­inu frá októ­ber 2015 til febr­úar 2017.

Einn hinna ákærðu er sam­kvæmt Frétta­blað­inu fyrr­ver­andi for­stöðu­maður leiða­kerf­is­stjórn­unar Icelandair en hann hafði stöðu frum­inn­herja hjá félag­inu. „Hinir tveir eru grun­aðir um að hafa nýtt sér upp­lýs­ingar frá honum til að hagn­ast á við­skiptum með hluta­bréf í félag­inu. Auk mann­anna þriggja er félagið Fastrek, sem hét áður VIP Tra­vel, ákært í mál­inu en við­skiptin með hlut­ina voru gerð í nafni félags­ins.“

Enn fremur kemur fram að VIP Tra­vel hafi eitt sinn verið tengt kampa­víns­klúbbnum VIP Club en greiðslur til klúbbs­ins hafi farið í gegnum félag­ið. Einn hinna ákærðu sé fyrr­ver­andi eig­andi Fast­reks. Sá hafi jafn­framt verið áður rekstr­ar­stjóri kampa­víns­klúbbs­ins Shoot­ers sem nú sé starf­ræktur á sama stað og VIP Club var áður til húsa.

„Fyrr­greindum for­stöðu­manni og rekstr­ar­stjóra er í mál­inu gefið að sök að hafa í októ­ber og nóv­em­ber 2015 nýtt VIP Tra­vel til að kaupa hluti í Icelandair til þess eins að selja hlut­ina skömmu eftir að þriðja árs­fjórð­ungs­upp­gjör félags­ins var birt. Þeim er gefið að sök að hafa keypt sölu­rétt í júlí 2016 en þá veðj­uðu þeir á móti á lækkun hluta­bréf­anna í kjöl­far ann­ars árs­fjórð­ungs­upp­gjörs þess árs.

Að end­ingu er for­stöðu­mann­inum og rekstr­ar­stjór­anum gefið að sök að hafa í jan­úar og febr­úar 2017 keypt sölu­rétt í félag­inu og veðjað á að verð á hlutum í því myndi lækka í kjöl­far afkomu­við­vör­unar sem birt var 1. febr­úar það ár. Hagn­aður mann­anna af þessu á að hafa numið tæpum 25 millj­ónum króna.

Rekstr­ar­stjór­inn á síðan að hafa hvatt þriðja mann­inn, sem ákærður er í mál­inu, til hins sama. Á hann að hafa keypt sölu­rétt og selt í félag­inu sama dag og afkomu­við­vör­unin var gefin út. Á hagn­aður vegna þessa að hafa numið rúmum 20 millj­ónum króna,“ segir í frétt Frétta­blaðs­ins.