Segir dómsmálaráðuneytið skreyta sig með stolnum fjöðrum

Drífa Snædal framkvæmastjóri SGS gagnrýnir harðlega tilkynningu frá dómsmálaráðuneytinu sem kom fram samhliða birtingu skýrslu bandarískra stjórnvalda um mansal. Segir baráttuna gegn mansali keyrða áfram af einstaklingum en ekki stjónvöldum.

Sigríður Andersen Drífa Snædal
Auglýsing

Drífa Snæ­dal fram­kvæma­stjóri Starfs­greina­sam­bands­ins gagn­rýnir harð­lega til­kynn­ingu frá dóms­mála­ráðu­neyt­inu sem kom fram sam­hliða birt­ingu skýrslu banda­rískra stjórn­valda um man­sal. Í stöðu­upp­færslu á Face­book segir Drífa að enn bóli ekk­ert á aðgerð­ar­á­ætlun gegn man­sali og „enn telur ráð­herra gagn­rýnar skýrslur vera byggðar á mis­skiln­ing­i.“ Þá segir hún ráðu­neytið skreyta sig með stolnum fjöðrum og bar­áttan gegn man­sali sé keyrð áfram af ein­stak­lingum innan kerf­is­ins í stað þess að vera skipu­lögð af yfir­völdum sem eigi að fjár­magna og fram­kvæma.

Ísland í 2. flokki - úrbætur nauð­syn­legar

Í skýrsl­unni, sem unnin er ein­hliða af hálfu banda­ríska utan­rík­is­ráðu­neyt­is­ins, kemur meðal ann­ars fram að Ísland upp­fylli ekki lág­marks kröfur til útrým­ingar á man­sali í heim­inum þó verið sé að stíga þýð­ing­ar­mikil skref í þá átt. Ríkin eru flokkuð í fjóra flokka og er Ísland nú í 2. flokki, annað árið í röð. Ísland var í 1.flokki til árs­ins 2017.

Skýrslan segir að stjórn­völd hafi sýnt auk­inn vilja með því að rann­saka fleiri mansals­mál og fjölgan starfs­mönnum við þær rann­sókn­ir. Náðst hafi að bera kennsl á mögu­leg fórn­ar­lömb og almennt hafi vernd þeirra verið auk­in. Hins vegar hafi stjórn­völd ekki upp­fyllt lág­marks kröfur á nokkrum lykil svið­um. Eng­inn hafi verið ákærður eða sak­felldur sjö ár í röð hér á landi. Þekk­ing á mála­flokknum innan kerf­is­ins er ábóta­vant, sem og vernd, aðbún­aður og aðstæður sem mögu­legir þolendur búi við meðan mál þeirra eru til með­ferðar í rétt­ar­vörslu­kerf­inu.

Auglýsing

Í skýrsl­unni er til­lögum að úrbótum beint til Íslands. Meðal ann­ars að auka veru­lega við til­raunir til að bera kennsl á fórn­ar­lömb mansals, að beina þeim í réttar áttir til aðstoð­ar, að styrkja til­raunir til frek­ari rann­sókna, sak­sókna og sak­fell­inga á man­selj­end­um. Þá þurfi að auka við þjálfun lög­reglu, sak­sókn­ara og dóm­ara til að koma auga á mansals­brot, byggja upp traust milli lög­gæslu, fórn­ar­lamba auk þess sem nauð­syn­legt sé að útvega þeim vernd og vinnu­leyfi til að hvetja þau til að taka þátt í rann­sókn mál­anna. Þá þurfi sér­úr­ræði, til dæmis fyrir karl­menn og börn sem fórn­ar­lömb mansals, og auka þjálfun við öflun sönn­un­ar­gagna, svo ekki þurfi að reiða eins mikið á fram­burð vitna. Þá þurfi áherslu á að koma auga á þvinguð hjóna­bönd, vinnuman­sal og man­sal almennt hjá inn­flytj­end­um, fylgd­ar­lausum börnum og hæl­is­leit­end­um. Þá þurfi að ljúka við aðgerð­ar­átlun gegn man­sali og henni þurfi að fylgja nægt fjár­magn til inn­leið­ingar og eft­ir­fylgni.

Ný aðgerð­ar­á­ætlun í haust

Í til­kynn­ingu ráðu­neyt­is­ins kemur fram að ýmis­legt hafi verið að gert í þessum mála­flokki.

„Ís­lensk stjórn­völd hafa lagt kapp á að bæta með­ferð mansals­mála hér á landi, auka þekk­ingu á eðli og ein­kennum brot­anna sem og að vernda þolendur brot­anna og mæta þörfum þeirra. Aðgerð­ar­á­ætlun gegn man­sali var í gildi árin 2013-2016 og á grund­velli hennar var ráð­ist í fræðslu­á­tak í sam­ráði við alla hlut­að­eig­andi hér á landi. Yfir 2000 manns vítt og breytt um landið hafa nú þegar fengið fræðslu. Þá hefur Vel­ferð­ar­ráðu­neytið sett á lagg­irnar tvö teymi, þ.e. við­bragð­steymi sem leysir úr málum er varða hús­næði og þjón­ustu við meinta þolendur mansals og sam­ráð­steymi sem kemur með til­lögur að bættri þjón­ustu við þolend­ur.“

Þá segir að dóms­mála­ráð­herra hafi sett í for­gang vinnu við gerð nýrrar aðgerð­ar­á­ætl­unar gegn man­sali sem verði lögð fram strax í haust. „Við gerð þeirrar áætl­unar verður tekið mið af athuga­semdum og ábend­ingum sem fram hafa komið í úttekt GRETA (Group of Experts on Act­ion aga­inst Traffick­ing in Human Bein­gs), nefnd sér­fræð­inga sem hefur það hlut­verk að fylgja eftir inn­leið­ingu Evr­ópu­samn­ings um aðgerðir gegn mansali, sem Ísland hefur full­gilt. Helstu áherslur verða að efla fræðslu/­þjálfun t.d. hjá lög­reglu varð­andi rann­sókn­ir, vit­und­ar­vakn­ing og gerð fræðslu­efn­is, efla þjón­ustu og úrræði fyrir þolend­ur, skoða úrræði fyrir ger­endur og koma upp NRM (National refferral mechan­ism), sem myndi einnig tryggja áreið­an­legri töl­fræði, svo eitt­hvað sé nefn­t.“

Í til­kynn­ing­unni segir að Ísland muni þannig áfram skipa sér í fremstu röð þjóða sem berj­ast gegn masali í heim­in­um. „Ná­kvæm úttekt GRETA á stöðu mansals­mála á Íslandi er þýð­ing­ar­mikil í því sam­bandi og gagn­legt inn­legg í vinnu við nýja aðgerða­á­ætl­un. Teymi á vegum GRETA var hér á landi fyrir stuttu við gerð úttekt­ar­innar og vann hana í ítar­legu sam­ráði við íslensk stjórn­völd. Nið­ur­stöður hennar verða gerðar opin­berar í haust.

Nið­ur­staðan van­þekk­ing á íslensku rétt­ar­fari

Þá er haft eftir Sig­ríði Á. And­er­sen dóms­mála­ráð­herra að helsta gagn­rýni skýrsl­unnar lúti enn að fjölda ákæra í mansals­málum „og hlýtur sú nið­ur­staða að byggj­ast á van­þekk­ingu þeirra á íslensku rétt­ar­fari. Ákærur eru ekki gefnar út nema meiri en minni líkur séu á sak­fell­ingu. Til sam­an­burðar eru gefnar út um 1000 ákærur í mansals­málum í Banda­ríkj­unum á ári sem hlýtur að telj­ast lágt hlut­fall miðað við mann­fjölda. Lög­gæslan hefur verið efld til muna hér á landi að und­an­förnu og meiri þungi lagður í fræðslu til handa þeim sem fara með rann­sókn mála af þessu tagi. Við vinnum nú að gerð nýrrar aðgerð­ar­á­ætl­unar gegn man­sali sem verður lögð fram í haust. Þar verður lögð áhersla á að aðgerðir séu raun­hæf­ar, tíma­settar og vel skil­greind­ar. Það þarf líka að stuðla að vit­und­ar­vakn­ingu á meðal almenn­ings um þessa teg­und mála svo þau þrí­fist ekki í skugg­anum og rati frekar til lög­regluyfir­valda. Það er óásætt­an­legt að ein­stak­lingar séu hnepptir í ánauð af hvaða ástæðu sem er og íslensk stjórn­völd munu gera það sem í þeirra valdi stendur til að koma í veg fyrir og upp­ræta slík brot á frelsi fólks,“ segir Sig­ríður Á. And­er­sen, dóms­mála­ráð­herra, um skýrsl­una í til­kynn­ingu ráðu­neyt­is­ins.

Ekki haldið nægi­lega vel utan um þolendur

Drífa Snæ­dal segir ráðu­neytið skreyta sig með stolnum fjöðrum í til­kynn­ing­unni. Það fræðslu­á­tak sem ráð­ist hafi verið í, ráð­stefnur sem hafi verið haldnar og árverkn­is­verk­efni, hafi verið unnin af stétt­ar­fé­lög­um, lög­regl­unni og félags­þjón­ust­unni án þess að sér­stakt fjár­magn hafi feng­ist til verk­efn­is­ins. „Enn er bar­áttan gegn man­sali keyrð áfram af ein­stak­lingum innan kerf­is­ins í stað þess að vera skipu­lögð af yfir­völdum sem eiga að fjár­magna og fram­kvæma fræðslu, eft­ir­lit og vernd mansals­fórn­ar­lamba. Enn erum við að missa fólk úr landi aftur í ömur­legar aðstæður af því við tökum ekki nógu vel utanum þolend­ur. Þolendur sem hafa verið mis­not­aðir í vinnu til að keyra áfram góð­ær­ið. Nú er enn boðuð aðgerð­ar­á­ætlun gegn man­sali en ekki hefur verið haft sam­band við þá sem best þekkja til (alla­vega innan stétt­ar­fé­lag­anna) til að vinna þessa áætl­un. Það stendur ekki á okk­ur!!“ segir í stöðu upp­færslu Drífu.

Enn bólar ekk­ert á aðgerð­ar­á­ætlun gegn man­sali og enn telur ráð­herra gagn­rýnar skýrslur vera byggðar á mis­skiln­ingi. Að...

Posted by Drífa Snæ­dal on Wed­nes­day, July 11, 2018


Vilt þú vera með?

Frjálsir, hugrakkir fjölmiðlar eru ómetanlegir en ekki ókeypis. Kjarninn reiðir sig á framlög lesenda og með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og við ætlum að standa vaktina áfram og bjóða almenningi upp á vandaða umfjöllun þar sem áhersla er á gæði og dýpt.  

Fyrir þá lesendur sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Fimm manns sem voru gestkomandi á heimili Víðis og eiginkonu hans síðasta laugardag eru smituð af kórónuveirunni.
Ellefu urðu útsett fyrir smiti á heimili Víðis
Auk Víðis Reynissonar yfirlögregluþjóns og eiginkonu hans eru fimm manns í nærumhverfi hjónanna, sem voru gestkomandi á heimili þeirra síðasta laugardag, smituð af kórónuveirunni. Víðir segir hjónin hafa verið verulega slöpp í gær, en skárri í dag.
Kjarninn 28. nóvember 2020
Fréttaþættirnir Heimskviður verða ekki á dagskrá RÚV á nýju ári.
Heimskviður hverfa af dagskrá Rásar 1
Gera þarf breytingar á dagskrá Rásar 1 vegna hagræðingaraðgerða hjá Ríkisútvarpinu. Ein þeirra er sú að Heimskviður, fréttaskýringarþáttur um erlend málefni, verður ekki lengur á dagskrá á nýju ári. Einnig mun þurfa að endurflytja meira efni.
Kjarninn 28. nóvember 2020
Hallgrímur Hróðmarsson
Hver er hann þessi sem gengur alltaf með veggjum?
Kjarninn 28. nóvember 2020
Gylfi Zoega, hagfræðiprófessor við Háskóla Íslands
Gylfi ver ummæli Tinnu um landamæraskimanir
Prófessor í hagfræði útskýrir hagfræðilegu rökin fyrir því að skylda komufarþega að fara í skimun á landamærunum og láta þá borga hátt gjald fyrir það í nýjasta tölublaði Vísbendingar.
Kjarninn 28. nóvember 2020
Svandís Svavarsdóttir, heilbrigðisráðherra.
Margir héldu að málið væri í höfn – en svo er ekki
Heilbrigðisráðherra segir að liggja verði ljóst fyrir hversu miklum peningum verði ráðstafað í samning við sjálfstætt starfandi sálfræðinga áður en hann verður gerður til þess að fjármunum verði varið með sem bestum hætti.
Kjarninn 28. nóvember 2020
Smitum fjölgar um eitt á milli daga.
Tuttugu og eitt smit og átta utan sóttkvíar
Tuttugu og einn einstaklingur greindist með COVID-19 hérlendis í gær. Minnihluti þeirra, eða átta manns, voru utan sóttkvíar við greiningu.
Kjarninn 28. nóvember 2020
Ástandið kallar á að við setjum okkur í spor annarra – og er prófsteinn á siðferði okkar
Sjaldan hefur verið mikilvægara að staldra við og íhuga aðgerðir stjórnvalda vegna þerrar heilsuvár sem vofir yfir. Við það vaknar fjöldi siðferðislegra spurninga og ræddi Kjarninn við Vilhjálm Árnason til þess að komast nær svörum í flóknum aðstæðum.
Kjarninn 28. nóvember 2020
Eiríkur Ragnarsson
Að hanga heima hefur aldrei verið betra
Kjarninn 28. nóvember 2020
Meira úr sama flokkiInnlent