Hagn­aður Öss­urar nam tæpum 2,1 millj­arði íslenskra króna á öðrum árs­fjórð­ungi og jókst um tæpan helm­ing frá því á sama tíma­bili í fyrra. Vöxt­ur­inn er til­kom­inn vegna auk­innar sölu í dýrum nýsköp­un­ar­fyri­tækjum og var sér­stak­lega mik­ill í Kína og Ástr­al­íu. Þetta kemur fram í nýbirtu árs­fjórð­ungs­upp­gjöri fyr­ir­tæk­is­ins, sem birt­ist á vef dönsku kaup­hall­ar­innar í morgun.

Sam­hliða mik­illi hagn­að­ar­aukn­ingu jókst hagn­að­ar­hlut­fall fyr­ir­tæk­is­ins einnig úr 9% í 12% milli ára. Fram­legð­ar­hlut­fall fyr­ir­tæk­is­ins jókst einnig, en á nýliðnum árs­fjórð­ungi nam það 63% af tekj­um, miðað við 62% á sama tíma­bili í fyrra. 

Hand­bært fé frá rekstri helst óbreytt milli ann­ars árs­fjórð­ungs 2017 og 2018 í 23 millj­ónum Banda­ríkja­dala, en hlut­fall þess af sölu lækk­aði úr 16% í 15%. 

Helsta ástæða hagn­að­ar­aukn­ingar Öss­urar er aukn­ing í sölu­tekjum fyr­ir­tæk­is­ins, en þær juk­ust úr 145 millj­ónir Banda­ríkja­dala í 158 millj­ón­ir. Það jafn­gildir 9% vexti í Banda­ríkja­döl­um. Sölu­aukn­ingin er drifin áfram af dýr­ari nýsköp­un­ar­vörum ásamt auk­inni sölu á spelkum og stuðn­ings­vörum, sér­stak­lega í Kína og Ástr­al­íu. Salan óx mest á Asíu-og Kyrra­hafs­mark­aðn­um, eða um 19%. Í Evr­ópu, Mið-Aust­ur­löndum og Afr­íku óx salan hins vegar um 7% og í Amer­íku óx hún aðeins um 2%. 

Í til­kynn­ing­unni segir Jón Sig­urðs­son, for­stjóri fyr­ir­tæk­is­ins, söl­una hafi auk­ist tölu­vert frá fyrsta árs­fjórð­ungi eins og við var búist. Tekju­vöxt­ur­inn hafi verið í takti við vænt­ing­ar, en fyr­ir­tækið heldur rekstr­ar­spá sinni fyrir árið 2018 óbreyttri.