Sigmundur Davíð: Ríkisstjórnin slegið 100 ára met í útþenslu báknsins

Formaður Miðflokksins gagnrýndi ríkisstjórnarflokkanna harðlega í ræðu sinni á Alþingi í gær.

Sigmundur Davíð Gunnlaugsson, formaður Miðflokksins.
Sigmundur Davíð Gunnlaugsson, formaður Miðflokksins.
Auglýsing

Sig­mundur Davíð Gunn­laugs­son, for­maður Mið­flokks­ins og fyrr­ver­andi for­maður Fram­sókn­ar­flokks­ins og for­sæt­is­ráð­herra, gagn­rýndi rík­is­stjórn­ar­flokk­anna harð­lega í ræðu sinni á Alþingi í gær, eftir stefnu­ræðu Katrínar Jak­obs­dóttur for­sæt­is­ráð­herra. 

Hann beindi orðum sínum ekki síst að Fram­sókn­ar­flokknum og sak­aði flokk­inn um að standa ekki við lof­orð og flýja stefnu sína í stórum mál­um. Sagð­ist hann gátt­aður á flokknum og hvernig hann hefði haldið á mál­um, meðal ann­ars þegar kæmi að slæmri stöðu bænda víða um land­ið. „­Þrátt fyr­ir að hafa haft ýms­ar áhyggj­ur af þess­­ari rík­­is­­stjórn trúði ég því þó að hún væri skárri kost­ur en sum­­ir aðrir fyr­ir bænd­ur og byggðir lands­ins. Það er öðru nær,“ sagði Sig­­mund­ur Dav­íð. 

Þá sagði hann rík­is­stjórn­ar­flokk­ana hafa sýnt það að rík­is­stjórnin snérist ekki um neitt annað en hana sjálfa. Hún væri stefnu­laus og stæði ekki fyrir eitt né neitt. „­Rík­­is­­stjórn sem hef­ur aðeins starfað í níu mán­uði hef­ur nú, með nýju fjár­­laga­frum­varpi, á 100 ára af­­mæli full­veld­is­ins, slegið 100 ára met í útþenslu bákns­ins,“ sagði Sig­­mund­ur Dav­íð, og sak­aði meða ann­ars Sjálf­stæð­is­flokk­inn um að vinna þvert á eigin stefnu, ekki síst þegar kæmi að heil­brigð­is­mál­u­m. 

Auglýsing

Rík­is­stjórnin væri að breyta heil­brigð­is­kerf­inu eftir Marxískum áhersl­um, og brjóta upp kerfi sem hefði marg­sinnis verið valið eitt það besta í heimi af sér­fræð­ing­um. „Á sama tíma og lækna­­ritið Lancet út­­nefndi ís­­lenska heil­brigð­is­þjón­­ustu þá bestu í heimi er heil­brigð­is­ráð­herr­ann í óða önn við að skipta kerf­inu út fyr­ir marxí­sku leið­ina í heil­brigð­is­mál­­um. Það er kald­hæðni ör­lag­anna að inn­­­leið­ing þessa ný-sós­í­al­íska kerf­is skuli eiga sér stað und­ir vernd­­ar­­væng Sjálf­­stæð­is­­flokks­ins,“ sagði Sig­mundur Dav­íð.

Meira úr sama flokkiInnlent