Don­ald Trump Banda­ríkja­for­seti mun á fimmtu­dag­inn funda með Rod Ros­en­stein, aðstoð­ar­dóms­mála­ráð­herra Banda­ríkj­anna, en fjöl­miðlar í Banda­ríkj­unum greindu frá því í dag að Ros­en­stein væri að íhuga að segja af sér. 

Ástæðan sem fjallað hefur verið um, er sögð fjömiðlaum­fjöllun New York Times á und­an­förnum dögum en þar var Ros­en­stein sagður hafa lagt það til við starfs­fólk í Hvíta hús­inu, og sam­starfs­fólk sitt, að Trump yrði tek­inn upp leyni­lega, svo að fólk gæti heyrt hvað gengi á í Hvíta hús­in­u. 

Er Ros­en­stein sagður hafa talað fyrir því að virkja 25. grein stjórn­ar­skrár­innar til að koma Trump úr emb­ætti for­seta á grund­velli þess að hann sé ekki hæfur til að gegna emb­ætt­in­u. 

Vef­ur­inn Axios greindi frá því í dag, að Ros­en­stein ætl­aði sér að hætta sem ráð­herra, áður en Trump myndi sjálfur hafa frum­kvæðið að því að hann yrði rek­inn úr emb­ætt­i. 

Trump hefur átt í miklum úti­stöðum við dóms­mála­ráðu­neytið og hefur meðal ann­ars gagn­rýnt ráð­herrann, Jeff Sessions, opin­ber­lega og sagt hann van­hæfan í starfi. Þá hefur hann einnig beint spjót­unum að Ros­en­stein og sagt að hann ætti að beita sér fyrir því að Rússa­rann­sókn­inni svo­nefndu, sem Robert Mueller stýr­ir, verði hætt. 

Í umfjöllun New York Times er frá því greint, að Ros­en­stein hafi sagt sínum sam­starfs­mönn­um, að hann telji að Trump ætli sér að reka hann úr emb­ætt­i.