Heild­ar­virði þorsk­kvót­ans í land­inu er um 416 millj­arðar króna, sam­kvæmt því við­miði sem miðað er við í verð­mati á afla­heim­ildum Ögur­vík­ur, vegna fyr­ir­hug­aðra kaupa HB Granda á félag­inu.

Í þeim útreikn­ingum er miðað við að kíló­verðið á þorskígildi sé um 2000, en algengt upp­lausn­ar­virði á afla­heim­ildum er tölu­vert hærra, eða nærri 3000. Sé mið tekið af því er virði afla­heim­ildia í þorski 624,7 millj­arðar króna.

Ögur­vík býr yfir um 1,3 pró­sent af heild­ar­afla­heim­ildum mak­ríls og er virði þeirra, miðað við 2000 á kíló, um 730 millj­ónir króna, en sé miðað við 3000 á kíló þorskígildis á nemur virðið tæp­lega 1,1 millj­arði króna.

Afla­heim­ildir í mak­ríl hafa þó ekki verið var­an­lega kvóta­sett­ar, heldur úthlutað árlega á grund­velli veiði­reynslu, en verð­mætin eru engu að síður mik­il. Sé miðað við fyrr­nefnt verð­mat á afla­heim­ildum Ögur­víkur er heild­ar­virði mak­ríl­kvót­ans í land­inu um 57 millj­arð­ar, miðað við 2000 á kíló þorskígild­is, en 84,4 millj­arðar miðað við 3000 á kíló.

Eins og greint var frá á vef Kjarn­ans í gær, þá er virði afla­heim­ilda Ögur­vík­ur, sem gerir út togar­ann Vigra RE, áætlað 14,5 millj­arðar króna, í verð­mati á félag­inu í tengslum kaup HB Granda á því.

Selj­andi er Brim hf., nú Útgerð­ar­fé­lag Reykja­vík­ur, sem er í meiri­hluta­eigu Guð­mundar Krist­jáns­son­ar, for­stjóra HB Granda. Brim er jafn­framt stærsti eig­andi HB Granda með rúm­lega 37 pró­sent hlut.

Við­skipt­in, upp á 12,3 millj­arða króna, hafa verið sam­þykkt í stjórn félags­ins en hlut­hafa­fundur þarf að sam­þykkja, og hefur verið boðað til hans 16. októ­ber næst­kom­andi. Þá eru við­skiptin einnig háð sam­þykki Sam­keppn­is­eft­ir­lits­ins.

Fyr­ir­hugað er að kaupa Ögur­vík með lánsfé og eigin fé, sam­kvæmt kynn­ingu á við­skipt­un­um, sem birt var á vef kaup­hall­ar­innar í gær.

Ljóst er að kaupin eru tölu­vert stór biti fyrir HB Granda, en Guð­mundur vill stækka félagið og efla, og telur að með kaup­unum geti náðst fram stærð­ar­hag­kvæmni og skil­virk­ari starf­semi með Reykja­vík sem helstu heima­höfn.

Sam­kvæmt heim­ildum Kjarn­ans hafa stórir hlut­haf­ar, líf­eyr­is­sjóðir þar hel­st, ekki gert upp hug sinn enn, og mun það ekki skýr­ast fyrr en á hlut­hafa­fund­in­um, hvort af þessum við­skiptum verð­ur.

Hand­hafar um 90 pró­sent af því hlutafé sem eftir stóð, þegar Brim hf. keypti rúm­lega þriðj­ung í HB Granda, skrif­uðu undir sam­komu­lag um að selja ekki hlut­inn þegar yfir­töku­skyldan virkj­að­ist. Til­boðið gerði ráð fyrir verð­miða á HB Granda upp á 65 millj­arða króna, en mark­aðsvirði félags­ins hefur lækkað nokkuð að und­an­förnu og er nú um 57 millj­arð­ar.