Don­ald Trump Banda­ríkja­for­seti mun þurfa að greiða það sem hann skuldar íbúum New York borg­ar. Þetta sagði Bill De Blasio, borg­ar­stjóri í New York, og vitn­aði í máli sínu til þess að yfir­völd í New York væru nú að skoða skatta­mál Trumps og fjöl­skyldu hans, langt aftur í tím­ann. 

New York Times birti í gær ítar­lega umfjöllun um fjár­mál Banda­ríkja­for­seta og Fred Trumps, föður hans, en hún byggði meðal ann­ars á áður óbirtum gögn­um, svo sem skatta­skýrslum og gögnum frá fyr­ir­tækja­skrám í Banda­ríkj­un­um. 

Í umfjöll­un­inni kom fram að Don­ald Trump hefði mögu­lega tekið þátt í umfangs­miklum fjár- og skattsvik­um, en Fred Trump kom miklum fjár­munum til hans í gegnum lán­veit­ingar sem aldrei voru greidd til baka, og einnig gjaf­ir. Heild­ar­upp­hæðin nam að núvirði meira en 400 millj­ónum Banda­ríkja­dala, en Banda­ríkja­for­seti hélt því ítrekað fram í kosn­inga­fram­boði sínu árið 2016 að hann hefði byggt upp veldi sitt sjálfur en aðeins fengið um 1 milljón Banda­ríkja­dala að láni til þess að byrjað með, til að koma fast­eigna­við­skiptum sínum af stað. 

Í afhjúp­andi umfjöllun New York Times er þetta allt leið­rétt með vísun í fyrr­nefnd gögn, og sagt að með pen­inga­færslum og lán­veit­ingum hefði verið kom­ist hjá því að greiða allt að 500 millj­ónir Banda­ríkja­dala í skatt, eða sem nemur um 60 millj­arða króna. 

Lög­maður Trumps hefur neitað þessu, og sagt að Don­ald Trump hefði ekki komið að þessum skatt­skilum og að fær­ustu sér­fræð­ingar hefði séð til þess að farið hefði verið að lög­um. Engar efn­is­legar athuga­semdir hafa þó verið gerðar við umfjöll­un­ina eða hún leið­rétt að neinu leyt­i. 

De Blasio sagði í dag, í við­tal við Bloomberg, að borg­ar­yf­ir­völd hefðu öll vopn á hendi til að rann­saka meint skatt­svik og það myndu þau ger­a.