Berg­lind Haf­steins­dótt­ir, for­maður Flug­freyju­fé­lags Íslands, segir í sam­tali við Kjarn­ann að bein­ast liggi við að félags­menn stétt­ar­fé­lags­ins haldi sínum dampi eftir fréttir af kaupum Icelandair á WOW air. „Við vitum ekki meira en við höfum lesið í blöð­unum að félögin verða rekin með óbreyttu snið­i,“ segir hún.

Fram kom í fréttum í dag að stjórn Icelandair Group hafi gert kaup­­samn­ing um kaup á öllu hlutafé í flug­­­fé­lag­inu WOW air. Kaupin eru meðal ann­­ars gerð með fyr­ir­vara um sam­­þykki hlut­hafa­fundar Icelandair Group, sam­­þykki Sam­keppn­is­eft­ir­lits­ins og nið­­ur­­stöðu áreið­an­­leika­könn­un­­ar.

Nú þegar eru flug­freyjur og -þjónar Icelandair og Air Iceland Conn­ect – sem eru bæði dótt­ur­fé­lög Icelandair Group – með mis­mun­andi kjara­samn­inga en þeir renna út um næstu ára­mót. Berg­lind segir að lík­leg­ast verði óbreytt snið hjá félag­inu varð­andi þá kjara­samn­inga. 

Samn­ingar WOW air verða aftur á móti ekki lausir fyrr en árið 2020. „Tím­inn mun leiða í ljós hvað ger­ist og hvernig þetta kemur til með að atvikast. Hvort við þurfum að setj­ast að samn­inga­borð­inu með breyttar for­sendur eða ekki,“ segir Berg­lind.

Sam­­kvæmt til­­kynn­ing­u vegna kaupanna verða félögin áfram rekin undir sömu vöru­­merkjum en sam­eig­in­­leg mark­aðs­hlut­­deild þeirra á mark­aðnum yfir Atl­ants­hafið er um 3,8 pró­­sent. „Með yfir­­tök­unni skap­­ast tæki­­færi til sóknar á nýja mark­aði og auk þess er gert ráð fyrir að ein­inga­­kostn­aður Icelandair Group muni lækk­a,“ segir í til­kynn­ing­unni.