Skúli Mog­en­sen for­stjóri WOW air telur að ákvörð­unin um að selja WOW hafi verið rétt til að tryggja fram­tíð flug­fé­lags­ins. Frá þessu greinir hann á face­book-­síðu sinni í dag. 

Stjórn Icelandair Group gerði kaup­samn­ing um kaup á öllu hlutafé í flug­fé­lag­inu WOW air en fréttir þess efnis birt­ust í gær. Kaupin eru meðal ann­ars gerð með fyr­ir­vara um sam­þykki hlut­hafa­fundar Icelandair Group, sam­þykki Sam­keppn­is­eft­ir­lits­ins og nið­ur­stöðu áreið­an­leika­könn­un­ar.

Skúli segir í stöðu­upp­færslu sinni að aug­ljós­lega hafi þetta ekki upp­haf­lega verið áætlun hans né sú sýn sem hann hafði fyrir WOW air. „En miðað við aðstæður von­ast ég til að tryggja fram­tíð WOW air til lang­frama, hins ótrú­lega starfs­fólks sem vinnur þar, far­þega okkar og ekki síst er þetta tæki­færi til að byggja upp far­sæla sjálf­bæra ferða­þjón­ustu á Ísland­i.“

Hann segir enn fremur að WOW Air vöru­merkið muni lifa áfram sem lággjalda­flug­fé­lag í fremstu röð. „Icelandair hefur verið braut­ryðj­andi á íslenskum flug­mark­aði í 80 ár og byggt upp gott net og ég er sann­færður um að með vöru­merkj­unum tveimur og sam­vinnu geti þessi tvö fyr­ir­tæki haldið áfram að bæta og byggja upp sterkt sjálf­bært alþjóð­legt flug­fé­lag sem muni dafna í sífellt sam­keppn­is­hæf­ara flug­um­hverf­i.“