Við­skipti með bréf í Icelandair Group voru stöðvuð í morgun Það var gert að beiðni Fjár­mála­eft­ir­lits­ins. Beiðni um það kom klukkan 10:21 í morg­un.

Icelandair Group til­kynnti í gær að til­kynnt var um að dótt­ur­fé­lag félags­ins, Loft­leiðir Iceland­ic, hefði ásamt íslenskum fjár­festum gert bind­andi til­boð í 51 pró­sent hlut í rík­is­flug­fé­lag­inu Cabo Verde Air­lines á Græn­höfða­eyj­um. Kaup­verðið er trún­að­ar­mál, það verður að hluta til greitt með vinnu sem starfs­menn Loft­leiða Icelandic hafa þegar innt af hendi og hið keypta mun ekki verða hluti af sam­stæðu­reikn­ingi Icelandic Group.

Þetta er í annað sinn á skömmum tíma sem við­skipti með bréf í Icelandair Group eru stöðv­uð, en það gerð­ist einnig þegar félagið til­kynnti um kaup á WOW air fyrr í mán­uð­in­um. Þá voru við­skiptin reyndar ekki stöðvuð strax og virði bréfa í félag­inu hafði hækkað um tugi pró­senta áður en stöðv­unin var fram­kvæmd. Þannig var málum ekki háttað í morgun og lítil við­skipti höfðu átt sér stað með bréf í Icelandair Group það sem af er degi, eða fyrir 25 millj­ónir króna. Bréfin höfðu hækkað um 1,88 pró­sent.

Í til­kynn­ingu frá Icelandair Group vegna til­boðs­ins í Cabo Verde Air­lines segir að í ágúst 2017 hafi Loft­liðir Icelandic gert „samn­ing við stjórn­völd á Græn­höfða­eyjum um end­ur­skipu­lagn­ingu Cabo Verde Air­lines. Mark­mið sam­komu­lags­ins var jafn­framt að styrkja alþjóða­flug­völl­inn á Græn­höfða­eyj­um, að byggja eyj­arnar upp sem væn­legan áfanga­stað og að byggja upp tengiflugs­banka fyrir alþjóða­flug. Þá lá jafn­framt fyrir að hugað væri að einka­væð­ingu félags­ins. Cabo Verde Air­lines hefur nú þegar rekstr­ar­leyfi til að fljúga áætl­un­ar­flug til Evr­ópu og Banda­ríkj­anna.“

Páll Harð­ar­son, for­stjóri Kaup­hallar Íslands, ræddi stöðvun við­skipta með bréf í Icelandair vegna kaupana á WOW air í þætt­inum 21 á Hring­braut í síð­ustu viku. Þar sagði hann að það hefði aldrei komið til greina að stöðva við­­skiptin með bréf í lengri tíma en gert var þann dag sem til­­kynnt var um vænta yfir­­­töku. „Það er algjört prinsipp hjá okkur að stöðva við­­skipti í eins stuttan tíma og hægt er. Það er ein­fald­­lega svo mikil vernd í því fyrir þá sem eiga hluta­bréf í skráðum félögum að vita af því að þeir geti ávallt selt sinn hlut. Þetta er svo mik­il­vægur hluti af rétt­indum hlut­hafa. Að okkar mati var engin for­­senda fyrir því.“

Hægt er að horfa á stiklu úr þætt­inum hér að neð­an.