For­maður til­nefn­ing­ar­nefnd VÍS, Sandra Hlíf Ocares, segir að engar heim­ildir séu í starfs­reglum nefnd­ar­innar sem heim­ili nefnd­ar­mönnum að skila sér­at­kvæði. Það sé skýrt í regl­unum að meiri­hluti atkvæða ræður nið­ur­stöð­u­m. 

Þetta kemur fram í athuga­semd frá Söndru sem send var vegna fréttar Kjarn­ans í morgun um afsögn Helgu Hlínar Hákon­ar­dótt­ur, fyrr­ver­andi stjórn­ar­for­manns VÍS, úr til­nefn­ing­ar­nefnd­inni vegna þess að sér­at­kvæði sem hún skil­aði um til­nefn­ingu til næstu stjórnar félags­ins skyldi ekki birt í skýrslu til­nefn­ing­ar­nefnd­ar. Þá sagði Helga Hlín að til­nefn­ing­ar­nefndin hefði fundað án hennar við­veru og vit­neskju þegar ákvarð­anir um loka­skýrslu nefnd­ar­innar voru tekn­ar.

Í athuga­semd Söndru seg­ir: „Í störfum nefnd­ar­innar voru allir nefnd­ar­menn boð­aðir með sama hætti til þeirra funda sem haldnir voru en nefnd­ar­mönnum er alltaf frjálst að boða for­föll. Öllum nefnd­ar­mönnum var gert kleift að koma sínum athuga­semdum og til­lögum að við vinnslu loka­skýrslu nefnd­ar­inn­ar. Varð­andi sér­at­kvæði nefnd­ar­manns við nið­ur­stöðu nefnd­ar­innar þá er það skýrt í starfs­reglum að það sé meiri­hluti atkvæða sem ræður nið­ur­stöðum skv.  gr. 5.2 regln­anna og engar heim­ildir í regl­unum fyrir því að nefnd­ar­menn skili sér­at­kvæði. Í loka­skýrslu kemur skýrt fram að einn nefnd­ar­maður hafi ekki greitt atkvæði á sama hátt og meiri­hluti nefnd­ar­inn­ar.

Nefndin mun gera grein fyrir loka­skýrslu sinni á hlut­hafa­fundi VÍS í dag og fara þar ítar­lega yfir störf nefndar og rök­stuðn­ing.“

Til­­­nefn­ing­­ar­­nefnd VÍS lagði til að þau Gestur Breið­fjörð Gests­­son, Marta Guð­rún Blön­dal, Svan­hildur Nanna Vig­­fús­dótt­ir, Vald­i­mar Svav­­­ar­s­­son og Vil­hjálm­ur Eg­ils­­son verði kjörin í stjórn félags­­ins á hlut­hafa­fundi á eft­ir klukkan 16.