Blikur eru á loft í ferða­þjón­ustu hér á landi, og bendir margt til þess að boð­aður nið­ur­skurður WOW air í flug­fram­boði til og frá Íslandi, muni hafa mikil áhrif á fjölda heim­sókna ferða­manna til lands­ins. 

Í sam­tali við Morg­un­blað­ið, segir Sveinn Þór­­ar­ins­­son, sér­­­fræð­ing­ur hjá Lands­­bank­an­um, að er­­lend­um ferða­mönn­um „gæti fækk­að“ um á þriðja hund­rað þús­und vegna nið­ur­­­skurðar WOW air. 

Haft var eft­ir Skúla Mo­g­en­sen, for­­stjóra WOW air, þegar til­kynnt var um hóp­upp­s­anir á sam­tals um 350 starfs­mönnum og mik­inn sam­drátt í flug­leið­um, að far­þegum mundi fækka úr 3,5 millj­­ón­um í ár í 2,1 millj­­ón á næsta ári.

„Sveinn seg­ir að miðað við að WOW air hafi flutt 600-700 þús­und þeirra 2,3 millj. er­­lendu ferða­manna sem koma til lands­ins í ár megi áætla að boð­aður nið­ur­­­skurður WOW air leiði til þess að er­­lend­um ferða­mönn­um fækki um 180-280 þús­und á næsta ári, eða um 6-12%,“ segir í frétt Morg­un­blaðs­ins.

Icelandair hefur á móti boðað aukið fram­boð flug­leiða, og hyggst efla starf­sem­ina enn frekar á næsta ári. 

Ennþá eru í gangi við­ræður milli WOW air og Indigo Partners, um fjár­fest­ingu banda­ríska félags­ins í WOW air, en því ferli er ekki lokið enn. Flækju­stig er þó nokk­uð, þar sem semja þarf um skuldir félags­ins á nýjan leik, við kröfu­hafa, og leysa úr ýmsum lausum end­um. Fjár­fest­ingin gæti orðið upp á 75 millj­ónir Banda­ríkja­dala, eða sem nemur 9,3 millj­örðum króna. 

WOW air tap­aði alls 33,6 millj­­­­ónum dala, sem jafn­­­­­­­gildir um 4,2 millj­­­­arði króna, á fyrstu níu mán­uðum árs­ins. Á sama tíma­bili í fyrra nam tap félags­­­­ins 13,5 millj­­­­ónum dala, jafn­­­­virði tæp­­­­lega 1,7 millj­­­­arða króna miðað við núver­andi gengi. EBITDA félags­­­­ins fór úr því að vera jákvæð um 8,8 millj­­­­ónir dala fyrstu níu mán­uði síð­­­­asta árs í að vera nei­­­­kvæð um 18,9 millj­­­­ónir dala nú, sem er um 2,3 millj­­­­arða íslenskra króna.