Stjórn Kviku banka hefur tekið ákvörðun um að stefna á skrán­ingu á aðal­markað Nas­daq Iceland fyrir lok fyrsta árs­fjórð­ungs 2019. Ekki er gert ráð fyrir hluta­fjár­út­boði sam­hliða skrán­ing­unni.

Þetta kemur fram í til­kynn­ingu frá bank­anum til kaup­hallar, en bank­inn hefur verið skráður á First North mark­að­inn. 

Ármann Þor­valds­son, for­stjóri bank­ans, segir í til­kynn­ingu að bank­inn hafi haft góða reynslu af því að vera skráður First North mark­að­inn. „Áætlun fyrir árið 2019 gerir ráð fyrir áfram­hald­andi góðum rekstri. Í nóv­em­ber var und­ir­rit­aður kaup­samn­ingur um allt hlutafé í Gamma Capi­tal Mana­gement. Í ljósi sterkrar fjár­hags­stöðu bank­ans er ekki þörf á að ráð­ast í útgáfu nýrra hluta vegna kaupanna. Hluta­bréf bank­ans voru skráð á First North mark­að­inn í mars á þessu ári. Það hefur gefið góða raun sem má t.d. sjá á því að hlut­höfum bank­ans hefur fjölgað mikið og eru nú um 700 tals­ins. Það er því eðli­legt skref að skrá hluta­bréfin á Aðal­markað Nas­daq Iceland,“ segir Ármann. 

Stjórn Kviku hefur sam­þykkt rekstr­ar­á­ætlun bank­ans fyrir árið 2019. Þar sem fyr­ir­varar um sam­þykki hlut­hafa­fundar Kviku og eft­ir­lits­að­ila höfðu ekki verið upp­fylltir við gerð áætl­un­ar­innar tekur hún ekki til­lit til kaupa á Gamma Capi­tal Mana­gement hf., að því er segir í til­kynn­ingu.

„Áætl­unin gerir ráð fyrir að hagn­aður fyrir skatta verði 1.990 m. kr. og arð­semi eig­in­fjár fyrir skatta því 15,3%. Heild­ar­tekjur árs­ins 2019 eru áætl­aðar 6.450 m. kr., þar af er áætlað að 60% verði þókn­ana­tekj­ur, 31% vaxta­tekjur og 9% fjár­fest­inga­tekj­ur. ­Á­ætl­aðar þókn­ana­tekjur skipt­ast á milli sviða með eft­ir­far­andi hætti; 51% eigna­stýr­ing, 16% mark­aðsvið­skipti, 15% fyr­ir­tækja­svið, 13% fyr­ir­tækja­ráð­gjöf og 5% ann­að. ­Á­ætlað er að heild­ar­eignir verði 108 ma. kr. í lok árs 2019,“ segir í til­kynn­ingu.

Til sam­an­burðar eru heild­ar­eignir Arion banka, Íslands­banka og Lands­bank­ans sam­tals rúm­lega 3 þús­und millj­arðar króna. Hvor banki fyrir sig er því um tíu sinnum stærri en Kvika, sé horft til heild­ar­eigna sem mæli­kvarða.

Einn banki er skráður á aðal­markað kaup­hall­ar­inn­ar, Arion banki. Hann er einnig skráður á mark­að­inn í Sví­þjóð.

Afkoma bank­ans getur vikið tölu­vert frá áætl­un, m.a. vegna mark­aðs­að­stæðna. „Stjórn Kviku hefur sam­þykkt að við­mið um upp­lýs­inga­gjöf til mark­aðs­að­ila vegna slíkra frá­vika skuli vera ef bank­inn telur að afkoma árs­ins fyrir skatta, fyrir bank­ann í heild, víki meira en 10% frá útgef­inni áætl­un, segir í til­kynn­ingu.

Stjórn­ar­for­maður Kviku er Kristín Pét­urs­dótt­ir.