Und­an­farnar vikur hafa verið skelfi­legar á Wall Street en hluta­bréf hafa fallið í verði, og nú virð­ist ljóst, að hluta­bréfa­vísi­töl­urnar enda flestar lægri í lok þessa árs, en þær voru í byrjun árs­ins. 

Í umfjöllun Wall Street Journal segir að fjár­festar hafi tekið fjórum vaxta­hækk­unum Seðla­banka Banda­ríkj­anna illa, en nú síð­ast í gær voru vextir hækk­aðir úr 2,25 pró­sent í 2,5 pró­sent. 

Í dag hefur S&P 500 vísi­talan lækkað um 1,5 pró­sent og olíu­verð hefur haldið áfram að lækka. Lækk­unin á tunn­unni af hrá­olíu hefur verið mik­il, 4,5 pró­sent. Tunnan kostar nú um 46 Banda­ríkja­dali en fyrir aðeins um 7 vik­um, kost­aði hún tæp­lega 85 Banda­ríkja­dali. Þetta eru góðar fréttir fyrir Ísland og sparar þjóð­ar­bú­inu gjald­eyri, og dregur úr verð­bólgu­þrýst­ingi.



Tími ódýrra pen­inga á mark­aði virð­ist lið­inn, en frá 2008 og fram í des­em­ber 2016 hélst vaxta­stig nálægt núlli. Þetta leiddi til mik­illa fjár­fest­inga í verð­bréf­um, með til­heyr­andi hækkun á hluta­bréf­um. 

Annað sem hefur valdið fjár­festum miklum áhyggjum á þessu ári, er við­skipta­stríð Banda­ríkj­anna og Kína. Þó það hafi ekki varað lengi, þá virð­ast fjár­festar hræddir um afleið­ingar þess til lengri tíma. Mestu munar um háa tolla á inn­flutn­ing á stáli og áli, frá 10 til 25 pró­sent, frá Kína til Banda­ríkj­anna. 

Þetta hefur leitt til kostn­að­ar­hækk­ana hjá mörgum fram­leið­end­um, meðal ann­ars í bíla­iðn­aði í Banda­ríkj­un­um. Und­an­farna mán­uði hafa þeir gripið til upp­sagna til að rétta af rekst­ur­inn, á mörgum stöðum í Banda­ríkj­un­um. 



Staða efna­hags­mála í Banda­ríkj­unum þykir þrátt fyrir lækk­anir á hluta­bréfa­mark­aði, nokkuð góð. Atvinnu­leysi mælist nú um 4 pró­sent, og Seðla­banki Banda­ríkj­anna gerir ráð fyrir að hag­vöxtur verið á bil­inu 2 til 3 pró­sent á næsta ári. Þó þykja blikur á lofti, meðal ann­ars vegna þess að verð­bólgu­þrýst­ingur hefur verið að aukast, og fast­eigna­verð víða gefið eft­ir, sam­hliða því að vextir hafa farið hækk­andi á fast­eigna­lán­um.