Robert Shill­er, pró­fessor í hag­fræði við Yale háskóla, segir í við­tali við New York Times í dag, að miklar lækk­anir á hluta­bréfa­mark­aði að und­an­förnu, séu farnar að hafa áhrif á hugs­un­ar­hátt margra fjár­festa. Þeir hugsi nú: kannski ætti ég að selja? 

Verð­hrunið hefur verið það mesta síðan fyrir ára­tug, þegar alþjóða­mark­aðir gengu í gegnum fjár­málakreppu og erf­ið­leika. 

S&P 500 vísi­talan hefur lækkað um 22 pró­sent frá því í ágúst. Margir búast við því, að hluta­bréfa­mark­aðir muni renna inn í óvissu­tíma­bil á nýju ári, þar sem vextir hafa farið hækk­andi og umfangs­miklar fjárinn­spýt­ing­ar­að­gerðir seðla­banka, bæði í Banda­ríkj­unum og Evr­ópu, eru nú að hætta. Seðla­banki Evr­ópu hættir form­lega með kaup­á­ætlun sína á skulda­bréfum í jan­ú­ar, en frá því árið 2012 hefur hann keypt skulda­bréf þjóð­ríkja og fyr­ir­tækja fyrir 60 millj­arða evra í mán­uði, til að styðja við hag­vöxt. Áætl­unin þykir hafa heppn­ast vel, en eng­inn veit hvað mun ger­ast þegar hún stöðvast. 

Vísi­tölur flestra geira á hluta­bréfa­mark­aði hafa lækkað mik­ið, og má nefna að tæknirisarnir hafa hrapað í mark­aðsvirði eftir að hafa náð hámarki um mitt ár. Fjórð­ungur mark­aðsvirð­ist margra stærstu tækni­fyr­ir­tækja heims­ins, eins og Amazon, Face­book og App­le, hefur þurrkast út á átta vik­um. 

Seðla­banki Banda­ríkj­anna hefur hækkað stýri­vexti fjórum sinnum á þessu ári, og eru þeir nú 2,5 pró­sent. Banda­ríkja­for­seti, Don­ald Trump, hefur tekið þessu illa, og gagn­rýnt bank­ann harð­lega fyrir að hækka vext­ina. 

Greint var frá því fjöl­miðlum í Banda­ríkj­unum í morg­un, meðal ann­ars í Was­hington Post, að Trump hefði rætt það við sam­starfs­fólk sitt, hvort rétt­ast væri að reka Jer­ome Powell, seðla­banka­stjóra, vegna vaxta­hækk­ana.