Umhverf­is­stofnun hefur kynnt áform um frið­lýs­ingu tveggja svæða. Annað er í Þjórs­ár­dal og hitt er Reykja­torfan í Ölf­usi. Áformin eru ann­ars vegar kynnt í sam­starfi við Skeiða- og Gnúp­verja­hrepp og for­sæt­is­ráðu­neytið og hins vegar í sam­starfi við sveit­ar­fé­lagið Ölf­us, Hvera­gerð­isbæ og umráð­endur rík­is­jarða. Um er að ræða fyrstu frið­lýs­ingar sem falla undir við­kvæm svæði undir álagi ferða­manna í sér­stöku átaki í frið­lýs­ing­um.

Þetta kemur fram í frétt umhverf­is- og auð­linda­ráðu­neyt­is­ins. 

Frið­lýs­ing­unni er ætlað að varð­veita sér­kenni og ein­kenni lands­lags­ins, fag­ur­fræði­legt og menn­ing­ar­legt gildi þess. Tekið er fram að ef um sé að ræða svæði þar sem hefð­bundnar nytjar eru for­senda fyrir því að varð­veita ein­kenni lands­lags­ins skuli frið­lýs­ingin jafn­framt miða að því að tryggja að þeim verði haldið við.

Svæðið í Þjórs­ár­dal nær til meðal ann­ars Gjár­inn­ar, Háa­foss og nágrenn­is. „Gjáin hefur verið vin­sæll ferða­manna­staður og er helsta aðdrátt­ar­aflið óröskuð nátt­úra og frið­sæld. Hái­foss, Glanni og Stöng eru einnig fjöl­sóttir ferða­manna­staðir í Þjórs­ár­dal,“ segir í frétt ráðu­neyt­is­ins. 

Reykja­torfan liggur upp af Hvera­gerði innan marka sveit­ar­fé­lags­ins Ölf­us. Lands­lag svæð­is­ins ein­kenn­ist af jarð­hita og er þar fjöldi hvera og lauga, berg­ganga, brota og fram­hlaupa. Innan marka svæð­is­ins eru tveir dal­ir, Reykja­dalur og Græns­dal­ur. 

Enn fremur kemur fram í frétt­inni að mik­ill fjöldi ferða­manna heim­sæki Reykja­dal á hverju ári en svæðið er meðal vin­sæl­ustu úti­vist­ar­svæða í Ölf­usi og er undir miklu álagi. „Græns­dalur liggur sam­síða Reykja­dal. Hann er vel gró­inn og þar er að finna grósku­mikið vot­lendi og jarð­hita­svæði. Er þar meðal ann­ars að finna mýr­ar­hvera­vist, móa­hvera­vist og hvera­leir­svist auk jarð­hita­lækja. Svæðið er að mestu óraskað og ekk­ert stíga­kerfi er til staðar til að stýra umferð gesta frá við­kvæmum svæðum og þeim sem bein­línis er hættu­legt að fara um vegna jarð­hita.“

Guð­mundur Ingi Guð­brands­son, umhverf­is- og auð­linda­ráð­herra, segir að með vax­andi fjölda ferða­manna hér á landi hafi ákveðnir staðir óhjá­kvæmi­lega orðið fyrir meira álagi en aðr­ir. Upp­bygg­ing inn­viða og stýr­ing ferða­manna sé afar brýn á slíkum svæðum og um leið að stutt sé við svæðin með land­vörslu. Frið­lýs­ing sé þar lyk­il­at­riði því þannig sé hægt að takast á við þessi krefj­andi verk­efni með heild­stæðum hætti. „Það er því ánægju­legt að sjá fram­sýni Skeiða- og Gnúp­verja­hrepps, Sveit­ar­fé­lags­ins Ölf­uss, Hvera­gerð­is­bæjar og heima­fólks í mál­efnum þess­ara mik­il­vægu nátt­úruperla í Þjórs­árs­dal og í Reykja­dal,“ segir hann.