Árið 2018 var mikið tölvu­leikja­ár, en eng­inn tölvu­leikur var þó vin­sælli en Fortni­te. Fyr­ir­tækið Epic Games fram­leiðir leik­inn, en stærsti eig­andi þess og for­stjóri er Tim Sween­ey. 

Sam­kvæmt umfjöllun Bloomberg hagn­að­ist Sweeney um 7,2 millj­arða Banda­ríkja­dala á árinu, eða sem nemur tæp­lega eitt þús­und millj­örðum króna. 

Sweeney hefur verið for­fall­inn tölvu­leikja­á­huga­maður frá 10 ára aldri, og hefur á sínum starfs­tíma starfað lengst af við fram­leiðslu og gerð tölvu­leikja. Hinn 47 ára gamli Sweeney hefur verið lengi að, og er þekktur fyrir að vera fær for­rit­ari og mik­ill ein­fari, í það minnsta framan af ferli sín­um. 

Hann skap­aði sér gott orð­spor í tölvu­leikja­heim­inum þegar hann fram­leiddi leik­inn Unr­eal sem kom fyrst út árið 1998, sama ár og Google var stofn­að. 

Frá þeim tíma hefur hann byggt upp Epic Games. Vel­gengni Fortnite kom mörgum á óvart, en ekk­ert bendir til þess að vin­sæld­irnar séu að dvína. 

Yfir 130 millj­ónir eru nú sagðir vera að spila Fortnite reglu­lega. Tekj­urnar af leiknum koma mest í gegnum kaup á alls konar varn­ingi og vörum í leikn­um. 

Leik­ur­inn náði ótrú­lega hraðri útbreiðslu, meðal ann­ars með vin­sælum dönsum í leikn­um.