Sólveig Anna valin maður ársins af Stöð 2

Sólveig Anna Jónsdóttir var valin maður ársins af fréttastofu Stöðvar 2. Sólveig tók við viðurkenningunni í Kryddsíldinni í dag og nýtti tækifærið til að spyrja formenn þingflokkanna hvort þau treystu sér til að lifa á lægstu launum landsins

Sólveig Anna Jónsdóttir, formaður Eflingar.
Sólveig Anna Jónsdóttir, formaður Eflingar.
Auglýsing
Sól­veig Anna Jóns­dóttir var valin maður árs­ins 2018 af frétta­stofu Stöðvar 2, Vísis og Bylgj­unn­ar. Hún var valin maður árs­ins fyrir sína óvæntu, ein­örðu og hvössu verka­lýðs­bar­áttu. Sól­veig mætti í Krydd­síld­ina í dag til að taka móti við­ur­kenn­ing­unni og sagð­ist hún vera mjög upp með sér að hafa verið valin og að hún tæki heiðr­inum alvar­lega.



Sól­veig Anna var kosin for­maður Efl­ing­ar, næst fjöl­menn­asta verka­lýðs­fé­lagi lands­ins, í mars á þessu ári. Í kynn­ingu um mann árs­ins segir að rót­tæk fram­ganga Sól­veigar hafi vakið þjóð­ar­at­hygli og að sú ósveigj­an­leg kröfu­gerð sem hún tali fyrir geti haft afdrifa­ríkar afleið­ingar fyrir lífs­kjör þorra lands­manna. 

Auglýsing

Spurði for­menn­ina hvort þeir gætu lifað á lægstu launum

Sól­veig sagði í Krydd­síld­inni að laun hinna lægst settu í íslensku sam­fé­lagi væru skelfi­lega lág og að ómögu­legt væri að lifa á slíkum laun­um. Hún sagði jafn­framt að krafa Efl­ingar um hækkun lág­marks­launa í 425 þús­und krónur væri ófrjá­v­íkan­leg. 

Aðspurð sagði hún sitt fyr­ir­mynd­ar­sam­fé­lag vera sam­fé­lag rétt­lætis og jöfn­uð­ar. „Þar sem allt fólk fengi að blómstra og rækta hæfi­leika sína og að fólk þyrfti ekki að lifa með skugga efna­hags­legrar óvissu yfir sér. Ég held að slíkt sam­fé­lag sé besta mögu­lega sam­fé­lag­ið.“

Í kjöl­farið beindi hún orðum sínum að for­ystu­fólki stjórn­mála­flokka Alþingis sem einnig var statt í salnum fyrir Krydd­síld­ina. Hún spurði hvort að for­menn­irnir treystu sér til að lifa á lægstu launum lands­ins. Hvort þau treystu stér til að tryggja efna­hags­legt öryggi sitt og fjöl­skyldu þeirra á þeim „smán­ar­legu laun­um“ sem mörgum sé greitt. 

Sól­veig sagð­ist einnig ætla nýta tæki­færið og spyrja for­menn­ina hvort þeir væru til­búnir að stíga fram og styðja kröfu verka­lýðs­fé­lag­anna. „Mig langar jafn­framt að spyrja þau hvort þau sjái sér ekki fært að stíga fram og styðja við kröf­una okkar um 425 þús­und króna lág­marks­laun til handa þeirra sem hér vinna á lægstu laun­un­um. Hvort við getum ekki sam­ein­ast í því í þessu ríka landi, sem vill kenna sig við lýð­ræði og mann­rétt­indi, að tryggja öllum sem hér lifa og starfa efna­hags­legt rétt­læti og sann­girn­i?“

Erfitt að eiga fjöl­skyldu og lifa á lág­marks­laun­um 

Eng­inn af for­mönn­unum sagð­ist treysta sér í að lifa á lág­marks­launum nema Inga Sæland for­maður Flokks fólks­ins en hún sagð­ist treysta sér til lifa á þessu „lús­ar­laun­um“ enda hafi hún gert það oft áður­. Inga óskaði Sól­veigu til ham­ingju með tit­il­inn og sagð­ist líta upp til bar­áttu­fólks­ins í verka­lýðs­bar­át­unn­i. Hún sagði ákveðna veru­leikafirr­ingu ein­kenna stjórn­völd hér á landi og það yrði að koma til móts við fólkið í land­in­u. 

Bjarni Bene­dikts­son, fjár­mála- og efna­hags­ráð­herra og for­maður Sjálf­stæð­is­flokks­ins, sagð­ist ekki geta lifað á lægstu launum með sín fjögur börn. Hann sagði að sam­kvæmt tölum Hag­stof­unnar búi aðeins 1 pró­sent þjóð­ar­innar við lág­marks­laun og 10 pró­sent þjóð­ar­innar væri með laun undir 400 þús­und krón­ur. Bjarni sagði enn­fremur að fólk yrði að gæti sig á spyrja slíkra spurn­inga, að spyrja hvort að lægsti taxti dugi öll­um. Hann sagð­ist vita af ein­stak­lingum í námi sem geti lifað á slíkum launum ef þeir nýttu sér einnig náms­lán. Bjarni sagði að lámarks­laun geti því dugað fyrir suma en vissu­lega ekki fyrir alla og ekki þá sem fjár­festa í fast­eign og reka fjöl­skyld­u. 

Formenn þingflokkanna á Kryddsíldinni 2018

Hall­dóra Mog­ens­sen, þing­maður Pírata sagð­ist einnig vera mjög ánægð með að Sól­veig væri maður árs­ins. Hún sagði jafn­framt að eng­inn ætti að þurfa lifa á svona lágum launum og sagði það í raun mjög dýrt fyrir sam­fé­lagið allt. Hún beindi því spurn­ing­unni til leið­toga rík­is­stjórn­ar­innar og spurði hvað fátækt kost­aði sam­fé­lagið í heild sinni.

Sig­mundur Davíð Gunn­laugs­son, for­maður Mið­flokks­ins, sagð­ist sann­ar­lega ekki geta lifað á lág­marks­launum með fjöl­skyldu. Hann ítrek­aði mik­il­vægi þess að ekki væri eytt tíma í að tala um eitt­hvað „rugl“ í stjórn­málum því þá gæf­ist ekki tími til að tala um önnur mál til dæmis kjara­mál. Hann sagði það hins vegar ekki ger­ast vegna þess að fólk væri svo upp­tekið af Klaust­ur­bar og „ein­hverju rugli“.

Kristbjörn Árnason
Pantaðar pólitískar tillögur frá OECD og AGS
Leslistinn 18. september 2019
Nú geta mötuneyti sýnt kolefnisspor máltíða
Kolefnisreiknivélin Matarspor sem reiknar og sýnir kolefnisspor máltíða og ber það saman við akstur fólksbíla stendur nú mötuneytum og matsölustöðum til boða gegn greiðslu. Reiknivélin á að auðvelda fólki að taka upplýstar ákvarðanir um eigin neyslu.
Kjarninn 18. september 2019
Aukið flæði bankaupplýsinga það sem koma skal
Með nýrri Evróputilskipun gefst fólki tækifæri til að velja að deila fjármálagögnum sínum með fyrirtækjum sem hyggjast bjóða þeim upp á fjármálatengda þjónustu. Samkvæmt Persónuvernd er mikilvægt að fyrirtæki útskýri vel skilmála fyrir viðskiptavinunum.
Kjarninn 18. september 2019
Bandarískum ferðamönnum fækkar mest
Bandaríkjamenn þykja verðmætir ferðamenn þar sem þeir eyða hlutfallslega miklu þrátt fyrir að stoppa stutt. Þeim hefur þó fækkað verulega frá falli WOW air og voru brottfarir Bandaríkjamanna frá landinu 36 prósent færri í ágúst en í fyrra.
Kjarninn 18. september 2019
Fasteignaverð hækkað lítið eitt á undanförnu ári
Fasteignamarkurðinn hefur kólnað umtalsvert, undanfarin misseri.
Kjarninn 17. september 2019
Fjögur samtök hlutu viðurkenningu Íslandsdeidlar Amnesty.
Skipuleggjendur loftslagsverkfallanna hlutu viðurkenningu Amnesty
Fjögur samtök hlutu viðurkenningu Íslandsdeildar Amnesty International fyrir forystu hérlendis í baráttunni gegn loftslagsbreytingum. Allsherjarverkfallsvika fyrir loftslagið hefst núna á föstudaginn.
Kjarninn 17. september 2019
Skeljungur kaupir Basko á 30 milljónir og yfirtöku skulda
Basko, fyrirtæki sem var áður stýrt af nýráðnum forstjóra Skeljungs, hefur verið selt til Skeljungs. Hlutur í Eldum Rétt verður undanskilin kaupunum.
Kjarninn 17. september 2019
Telja Jónas hæfastan
Dómnefnd um hæfni umsækjenda um embætti dómara hefur skilað umsögn sinni um umsækjendur um embætti dómara sem mun hafa starfsstöð við Héraðsdóm Reykjaness en sinna störfum við alla héraðsdómstóla.
Kjarninn 17. september 2019
Meira úr sama flokkiInnlent