Verslað með fasteignir á Íslandi fyrir 550 milljarða á árinu 2018

Um 74 prósent allra peninga sem skiptu um hendur vegna fasteignaviðskipta á árinu sem var að líða, gerðu það vegna slíkra á höfuðborgarsvæðinu. Meðalverð á fasteign var 44 milljónir króna á landinu öllu, en 51 milljón króna á höfuðborgarsvæðinu.

7DM_3298_raw_170627.jpg húsnæði fólk hús fasteign hús reykjavík
Auglýsing

Alls námu heild­ar­við­skipti með fast­eignir um 550 millj­örðum króna á árinu sem var að líða. Árið 2017 voru þau rúm­lega 507 millj­arðar króna og því jókst heild­ar­velta um tæp­lega 8,5 pró­sent milli ára. Þetta kemur fram í frétt frá Þjóð­skrá Íslands.

Uppi­staðan af þeim fast­eigna­við­skiptum sem eiga sér stað á Íslandi eru á höf­uð­borg­ar­svæð­inu. Þar voru fast­eignir keyptar fyrir um 405 millj­arða króna á árinu 2018 sem þýðir að um 74 pró­sent allra pen­inga sem skiptu um hendur í slíkum við­skiptum gerðu það vegna fast­eigna á höf­uð­borg­ar­svæð­in­u. 

Auglýsing
Heildarveltan þar jókst lít­il­lega meira á milli ára en á lands­vísu, eða um 8,9 pró­sent, en hún var 372 millj­arðar króna á árinu 2017.

Dýr­ara að versla á höf­uð­borg­ar­svæð­inu

Það var ekki bara umfang fast­eigna­við­skipta í krónum talið sem jókst milli ára, kaup­samn­ingum fjölg­aði einnig. Alls var um 12.500 kaup­samn­ingum þing­lýst á árinu 2018 en þeir voru 12.108 á land­inu öllu árið 2017. Því fjölg­aði þeim um rúm­lega 3,2 pró­sent.

Með­al­upp­hæð á hvern samn­ing í fyrra var um 44 millj­ónir króna en hafði verið um 42 millj­ónir króna árið áður. Verðið er hæst á höf­uð­borg­ar­svæð­inu þar sem með­al­upp­hæð kaup­samn­ings á árinu 2018 var 51 milljón króna.

Bólan eftir einka­væð­ingu

Ótrú­legur við­snún­ingur hefur orðið á fast­eigna­mark­aði á und­an­förnum árum. Árin fyrir hrun náði hann sögu­legum hæðum sam­hliða því að aðgengi almenn­ings að láns­fjár­magni jókst gríð­ar­lega við einka­væð­ingu rík­is­bank­anna og aukið aðgengi bank­anna að ódýrri fjár­mögnun á alþjóða­mörk­uð­um.

Á árunum 1999-2001 var heild­ar­velta á fast­eigna­mark­aði á Íslandi til að mynda stöðug, eða milli 113 og 115 millj­arðar króna á verð­lagi hvers árs. Árið 2007 var hún 407 millj­arðar króna og hafði þá rúm­lega þre­fald­ast frá árinu 2002, árinu sem sölu­ferli Lands­banka Íslands og Bún­að­ar­bank­ans fór að mestu fram.

Eftir banka­hrunið varð gríð­ar­legur sam­dráttur í fast­eigna­við­skiptum og hálf­gert frost ríkti á þeim mark­aði árum sam­an. Árið 2009 fór heild­ar­velta á mark­aðnum til að mynda undir 100 millj­arða króna í fyrsta sinn frá árinu 1998, og þá er veltan ekki upp­reiknuð með til­liti til þeirra verð­lags­breyt­inga sem orðið höfðu á þeim rúma ára­tug.

Mikil veltu­aukn­ing á allra síð­ustu árum

Staðan var lítið skárri 2010 en mark­að­ur­inn tók síðan aðeins við sér árið eft­ir. Frá 2012 má segja að hann hafi verið á gríð­ar­legri sigl­ingu og fast­eigna­verð hækkað feyki­lega hratt. Frá lokum árs 2010 hefur það raunar tvö­fald­ast í krónum talið.

Árið 2016 náði veltan því í fyrsta sinn frá hruni að verða meiri en árið 2007, en á því ári jókst veltan um 25 pró­sent, 92 millj­arða króna, á milli ára.

Auglýsing
Síðustu tvö árin hefur veltu­aukn­ingin verið mjög svip­uð, eða yfir átta pró­sent. Á árinu 2017 fór hún í fyrsta sinn yfir 500 millj­arða króna í krónum talið og á árinu sem var að líða var enn eitt metið sett í fast­eigna­við­skiptum þegar Íslend­ingar versl­uðu fast­eignir fyrir 550 millj­arða króna.

2005 á enn metið yfir flesta gerða samn­inga

Enn eigum við þó nokkuð í land með því að ná þeim fjölda kaup­samn­inga sem gerðir voru á árunum eftir einka­væð­ingu bank­anna og fram að hruni. Flestir kaup­samn­ingar á einu ári voru gerðir árið 2005, eða 15.836. Magn gerðra samn­inga var á svip­uðum slóðum bæði 2004 og 2007.

Þetta vekur athygli þar sem lands­menn voru mun færri á þeim tíma en þeir eru í dag, en í lok árs 2005 bjuggu 299.891 manns á land­inu. Í lok sept­em­ber 2018 var sá fjöldi 355.620 og lands­mönnum hefur því fjölgað um 18,6 pró­sent á tíma­bil­inu. Samt voru 27 pró­sent fleiri kaup­samn­ingar gerðir árið 2005 en í fyrra.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Nú sé kominn tími til að bregðast við
Ný skýrsla Umhverfisstofnunar Evrópu er komin út.
Kjarninn 6. desember 2019
Bjarki Þór Grönfeldt
Rauði múrinn gliðnar
Kjarninn 6. desember 2019
Jón Atli Benediktsson
Jón Atli sækist eftir því að vera áfram rektor HÍ
Embætti rektors hefur verið auglýst laust til umsóknar fyrir tímabilið 1. júlí 2020 til 30. júní 2025.
Kjarninn 6. desember 2019
Þorsteinn Víglundsson, þingmaður Viðreisnar er fyrsti flutningsmaður frumvarpsins.
Jafnréttismiðuð fyrirtæki greiði lægra tryggingagjald
Þingmenn úr þremur flokkum hafa lagt til að fyrirtæki með jafnara kynjahlutfall í stjórnunarstöðum greiði lægra tryggingagjald. Markmiðið er að fjölga konum í stjórnunarstöðum og þar með draga úr óleiðréttum launamun kynjanna.
Kjarninn 6. desember 2019
Hafa aldrei lánað meira til húsnæðiskaupa en í október
Tvö met voru sett í útlánum lífeyrissjóða til sjóðsfélaga sinna í október 2019. Í fyrsta lagi lánuðu þeir 26 prósent meira en þeir höfðu gert í fyrri metmánuði og í öðru lági voru útlánin 45 prósent fleiri en nokkru sinni áður innan mánaðar.
Kjarninn 6. desember 2019
Pexels
Íslendingar kaupa sífellt meira á alþjóðlegum netverslunardögum
Gífurleg aukning hefur orðið í fjölda póstsendinga hjá Póstinum í kjölfar stóru alþjóðlegu netverslunardaganna á síðustu árum. Alls hefur fjöldi innlendra sendinga aukist um 140 prósent frá árinu 2015.
Kjarninn 6. desember 2019
Íbúðalánasjóður getur gjaldfellt lán eða breytt lánskjörum hjá þeim sem ætla að græða
Íbúðalánasjóður hefur gripið til aðgerða gagnvart félögum sem rekin eru með arðsemissjónarmiði en hafa tekið lán hjá sjóðnum sem ætluð eru fyrir óhagnaðardrifin leigufélög.
Kjarninn 6. desember 2019
Aramco með verðmiðann 205.700.000.000.000
Olíufyrirtæki Aramco verður langsamlega verðmætasta skráða hlutafélag í heiminum. Um 1,5 prósent hlutafjár í félaginu var selt, miðað við verðmiða upp á 1.700 milljarða Bandaríkjadala.
Kjarninn 6. desember 2019
Meira úr sama flokkiInnlent