Efl­ing hefur stofnað nýtt svið sem kallað er félags­svið. Hlut­verk þess er fyrst og fremst að blása nýju lífi í her­skáa stétta­bar­áttu með virkri þátt­töku félags­manna sjálfra. Ætl­unin er þannig að mynda aukið mót­vægi gegn síauknum yfir­ráðum fyr­ir­tækja­eig­enda í sam­fé­lag­inu.

Þetta kemur fram í til­kynn­ingu frá Efl­ingu sem send var út í dag. 

Sól­veig Anna Jóns­dótt­ir, for­maður Efl­ing­ar, segir að verka­lýðs­hreyf­ingin hafi of lengi verið föst í því að bregð­ast við vanda­mál­unum eftir á og sé orðin of mikil þjón­ustu­stofn­un. „Fé­lags­svið Efl­ingar er hugsað til að snúa vörn í sókn og ganga lengra í að virkja félags­menn í bar­átt­unni en hefur þekkst ára­tugum sam­an. Ég er gríð­ar­lega stolt af félags­sviði Efl­ingar og veit að það mun veita okkur mik­inn styrk í kjara­bar­áttu næstu ára,“ segir hún.

Fram­kvæmda­stjóri Efl­ing­ar, Viðar Þor­steins­son, segir að félags­svið sé lík­lega stærsta nýj­ungin í starfi Efl­ingar síðan ný for­ysta tók við í vor. „Um leið og við styrkjum reglu­bundna þjón­ustu okkar við félags­menn á sviðum sem fyrir eru, mun félags­svið auka virkni félags­manna sjálfra í stétta­bar­átt­unni. Von­andi ryður félags­svið Efl­ingar braut fyrir stór­eflda bar­áttu víðar í hreyf­ing­unni og í sam­fé­lag­in­u.“