Grein­ing­ar­deild Arion banka telur að umtals­verð áhætta sé í því fólgin fyrir Sýn, að missa enska bolt­ann úr dag­skrár­efni sínu. Þetta kemur fram í nýrri grein­ingu á rekstri Sýn­ar.

Enski bolt­inn mun fara úr dag­skrár­fram­boði Sýnar í haust, en eins og áður hefur verið greint frá, þá átti Sím­inn hæsta boð í enska bolt­ann í útboði og verður með hann á dag­skrá hjá sér, frá og með haustinu, næstu þrjú keppn­is­tíma­bil.

„Vit­an­lega verður margt annað íþrótta­efni til staðar hjá Sýn en enski bolt­inn er að okkar mati það efni sem hefur hingað til helst laðað við­skipta­vini að íþrótta­stöð félags­ins. Lík­lega mun verð­lagn­ing Sím­ans á efn­inu ráða tölu­verðu um það hve marga við­skipta­vini Sýn miss­ir. Ef heild­ar­kostn­aður heim­ila við efn­is­kaup á íþróttum verður áfram um það bil óbreytt gæti þessi breyt­ing haft minni áhrif á Sýn. En ef kostn­að­ur­inn hækkar þykir okkur lík­legra að íþrótta­efni Sýnar verði fyrir nið­ur­skurð­ar­hníf heim­ila en enski bolt­inn. Erfitt er að leggja með ein­hverjum hald­bærum hætti mat á hve marga við­skipta­vini félagið kann að tapa, en við gefum okkur þó í þessu virð­is­mati þá for­sendu að um 5 þús­und við­skipta­vinir hætti að kaupa aðgang að Sport­stöðvum félags­ins, sem er megin ástæða fyrir spá um tekju­sam­drátt 2020. Missir enska bolt­ans hefur áhrif á kostnað líkt og tekj­ur. Ekki hefur verið upp­gefið hver afkoma Sýnar hefur verið af enska bolt­anum og ekki ein­falt að áætla heild­ar­á­hrif­in,“ segir í umfjöllun grein­ing­ar­deild­ar­inn­ar.

Mark­aðsvirði Sýn­ar, sem skráð er í kaup­höll Íslands, er nú 11,9 millj­arð­ar, en sam­kvæmt verð­mati grein­ing­ar­deildar Arion banka er það á svip­uðum slóð­um, eða rúm­lega 12 millj­arð­ar.

Und­an­farið ár hefur verið erfitt fyrir hlut­hafa Sýn­ar, enda hefur mark­aðsvirðið hrunið um rúm­lega 40 pró­sent á einu ári. Félagið sendi frá sér tvær afkomu­við­var­anir í lok árs, bæði í nóv­em­ber og des­em­ber.

Eigið fé félags­ins var 10,4 millj­arðar í lok þriðja árs­fjórð­ungs í fyrra og heild­ar­eignir 26,5 millj­arðar króna.

Í umfjöllun grein­ing­ar­deild­ar­innar seg­ir, meðal ann­ars:

„Miðað við hversu döpur afkoma 2018 verður og í ljósi þess hvernig árið ­þró­að­ist teljum við ástæðu til horfa á áætlun félags­ins með þessum hætti. Við spáum að EBITDA þessa árs verði neðst í afkomu­bil­inu sem ­fé­lagið hefur gefið upp og verði svo um 200 m.kr. lægri á næsta ári en félagið horfir til. Þá förum við jafn­framt ekki neðar en í 9% af tekjum með­ fjár­fest­ingar félags­ins, en það hefur sagst stefna að 8% hlut­falli. Virð­is­matið er byggt á núver­andi sam­stæðu líkt og afkomu­á­ætlun félags­ins, þ.e. ­með Hey í Fær­eyj­um, enda á eftir að aflétta ýmsum fyr­ir­vörum áður en sú sala verður frá­geng­in.“

Ráð­gjöf til fjár­festa er sú að halda bréfum í félag­inu. Í umfjöllun grein­ing­ar­deild­ar­innar segir meðal ann­ars, að þró­unin á virði bréfa félags­ins að und­an­förnu hafi að ein­hverju leyti end­ur­spegl­ast í breyttu rekstr­ar­um­hverfi. „Stjórn­endur félags­ins þurfa að sanna það fyrir mark­aðnum að það verði hægt að ná fram upp­gefnum sam­legð­ar­á­hrif­um. ­Fé­lagið virð­ist eiga undir högg að sækja í tveimur af stærstu tekju­straumun­um, þ.e. í far­síma og fjöl­miðl­un, og þá ótt­umst við einnig að það muni reyn­ast félag­inu erfitt að bregð­ast við kjara­samn­ingum meðan það stendur í miðri sam­legð­ará líkt og raunin varð á síð­asta ári. Að okkar mati hefur lækkun á verði bréfa Sýnar á síð­ustu mán­uðum end­ur­speglað breyttar rekstr­ar­horfur þess,“ segir í umfjöllun grein­ing­ar­deild­ar­inn­ar.