Grein­ing­ar­deild Arion banka gerir ráð fyrir að veru­lega fari að hægja á hækkun fast­eigna­verðs á næst­unni, og að verð muni ekki hækka á þessu ári. 

Fjallað er um stöð­una á fast­eigna­mark­aði í nýrri skýrslu, Hús­næð­is­mark­aðu­inn á slétt­unni.

„Við teljum að ekki séu for­sendur til þess að m.v. und­ir­liggj­andi efna­hags­stærðir að fólks­fjölgun mun­i halda áfram af sama krafti og und­an­farin tvö ár. Sam­kvæmt spá okkar mun íbúum á íbúð fækka á hverju ári út spá­tím­ann. Raun­ger­ist þetta þýðir það að unnið verður á upp­söfn­uðum skorti sem ætti að öllu öðru óbreyttu að hægja á hækk­un­ar­takti hús­næð­is­verðs.,“ segir í skýrslu grein­ing­ar­deild­ar­innar um fast­eigna­mark­að­inn.

Ein ástæða þess að bank­inn spáir því að nú fari að hægj­ast um, er að útlána­vöxtur muni drag­ast saman á sama tíma og fram­boð af íbúðum á mark­aði muni aukast mik­ið. 

Mik­ill upp­gangur í efna­hags­líf­inu á und­an­förnum árum hefur skilað sér í meiri fjár­fest­ingu. Í fyrra lán­uðu bank­arnir u.þ.b. 350 millj­arða til heim­ila og ­fyr­ir­tækja. „Út­lit er fyrir að útlána­aukn­ing bank­anna í ár verði tölu­vert minni og að lána­kjör versni. Áhrifa þessa er tekið að gæta í lægri hámarks­veð­hlut­föllum íbúð­ar­lána og versn­andi kjörum við­bót­ar­lána,“ segir í skýrsl­unn­i. 

Spá grein­ing­ar­deild­ar­innar gerir ráð fyrir að raun­verð muni lækka á árunum 2020 og 2021, þegar fram­boð af eignum hefur auk­ist mik­ið, á sama tíma og eft­ir­spurn hefur minnk­að.