Fjár­fest­ing­ar­sjóð­ur í stýr­ingu evr­ópska vog­un­ar­sjóðs­ins Tel­eios Capital hefur fest kaup á hlut í Marel fyrir um tvo millj­arða íslenskra króna. Þannig átti sjóð­ur­inn Tel­eios Global Opportunites ­rúm­lega 5,22 millj­ónir hluta í Mar­el, sem jafn­gildir um 0,77 pró­senta eign­ar­hlut, sam­kvæmt lista yfir alla hlut­hafa félags­ins í gær. Frá þessu er greint í Mark­að­inum í dag.

Árleg ávöxtun sjóðs­ins að með­al­tali 17,6 pró­sent 

Fjár­fest­ing­ar­sjóð­ur­inn kom fyrst inn í hlut­hafa­hóp Mar­els í byrjun síð­ustu viku þegar hann keypti sam­an­lagt fjórar millj­ónir hluta á geng­inu 402 eftir lokun mark­aða á þriðju­dag. Tel­eiois Capital var ­stofn­að árið 2013 og er með höf­uð­stöðvar í Sviss. Sjóð­ur­inn var með eignir upp á sam­tals um einn millj­arð Banda­ríkja­dala, jafn­virði um 120 millj­arða króna, í stýr­ingu síð­asta haust en sam­kvæmt umfjöllun Mark­að­ar­ins sjóð­ur­inn fjár­festir einkum í skráðum evr­ópskum félög­um. 

 Nú­ver­andi eign­ar­hlut­ur Tel­eios Capital skilar sjóðnu­mekki á opin­beran lista yfir tutt­ugu stærstu hlut­hafa Mar­els. ­Stærsti hlut­hafi Mar­els er Eyr­ir­ In­vest ­með tæp­lega 28 pró­senta hlut. Þá eiga íslenskir líf­eyr­is­sjóðir sam­an­lagt um 38 pró­senta hlut. Í jan­úar var greint frá því að félagið Vog­un, sem er í eigu Hvals, hafi fjár­fest í Marel fyrir um millj­arð króna. Félagið keypti 2,55 millj­ónir hluta, eða sem nemur tæp­lega 0,4 pró­senta eign­ar­hlut, í Marel um miðjan síð­asta mán­uð.

Hagn­að­ist um 12,1 millj­arð árið 2017

Mark­aðsvirði Marel er nú um 278 millj­arðar króna og gengi bréfa félags­ins hafa hækkað um meira en tíu pró­sent það sem af er þessu ári og stóð í 407,5 krónum á hlut við lokun mark­aða í gær. Mar­el er stærsta fyr­ir­tæki Íslands, hefur yfir að ráða um 6.000 starfs­menn í yfir 33 lönd­um. Árni Oddur Þórð­ar­son, for­stjóri félags­ins, hefur kynnt vaxt­ar­á­form fyrir kom­andi ár  og er þar meðal ann­ars horft til 12 pró­sent vaxtar að með­al­tali á ári næsta ára­tug­inn.

Tví­hliða skrán­ing Marel er nú í burð­ar­liðnum og þar horft til kaup­hall­anna í Kaup­manna­höfn, Am­ster­dam og London, en lík­legt þykir að það muni skýr­ast á aðal­fundi félags­ins í mar­s.  Í októ­ber verð­mat grein­ing­­ar­­fyr­ir­tækið Stockvi­ews í London Marel á tæp­­lega 400 millj­­arða í nýrri grein­ingu og mældi með kaupum á bréfum félags­­ins, sé horft til næstu 12 mán­aða.

Árið 2017 hagn­að­ist félagið um 97 millj­ónir evra eða sem nemur 12,1 millj­arði króna. Mar­el mun birta upp­gjör sitt fyrir árið 2018 eftir lokun mark­aða í dag, mið­viku­dag.