Snæ­björn Brynjars­son, vara­þing­maður Pírata, hefur ákveðið að segja af sér vara­þing­mennsku eftir að hafa misst stjórn á skapi sínu á skemmti­stað í Reykja­vík um helg­ina. Þetta kemur fram í stöðu­upp­færslu á Face­book-­síðu hans í morg­un. 

„Að­far­arnótt laug­ar­dags rakst ég á Ernu Ýr Öldu­dótt­ur, blaða­mann og fyrr­ver­andi for­mann fram­kvæmda­ráðs Pírata, á skemmti­stað í Reykja­vík. Ég missti stjórn á skapi mínu og sagði hluti við hana sem voru með öllu óvið­eig­andi.

Sú hegðun sem ég sýndi umrætt kvöld er ekki sæm­andi kjörnum full­trúa. Ég mun axla fulla ábyrgð á gjörðum mínum og bið alla hlut­að­eig­andi afsök­unar og vona að sem minnstur skaði hafi hlot­ist af,“ segir hann í færsl­unn­i. 

„Í ljósi atburða lið­innar helgar hef ég því ákveðið að segja af mér sem vara­þing­maður Pírata, frekar en að láta þessa hegðun kasta rýrð á sam­starfs­fé­laga mína og Alþingi. Mér er annt um virð­ingu Alþing­is, traust fólks á kjörnum full­trú­um, en sér í lagi er mér annt um þau þús­undir manna sem kusu Pírata og öll þau hund­ruð sem lögðu á sig þrot­lausa sjálf­boða­vinnu til að tryggja mér kjör. Af virð­ingu fyrir því umboði sem allt þetta fólk veitti mér hef ég ákveðið að segja af mér taf­ar­laust sem vara­þing­maður Pírata fyrir Reykja­vík­ur­kjör­dæmi suður og víkja úr öllum ábyrgð­ar­stöðum sem Píratar hafa falið mér.

Ég ætla mér að læra af þessum mis­tökum og biðst inni­lega afsök­unar á hegðun minn­i,“ segir hann. 

Í athuga­semd undir færsl­unni segir Snæ­björn það ekki vera heimsendi þó að ein­hver segi af sér. „Ég varð mér til minnk­un­ar, en lífið heldur alveg áfram. Það er flott lið með mér á lista, allir sem eru á þessum lista væru frá­bærir vara­þing­menn. Eng­inn einn maður er merki­legri en hreyf­ingin sem hann bauð sig fram fyr­ir.“

Aldrei talað við hann í eigin per­sónu

Erna Ýr segir á Facabook-­síðu sinni að hún láti nú ekki margt setja sig úr skorð­um, en að hún hafi orðið fyrir þeirri óskemmti­legu reynslu aðfara­nótt laug­ar­dags­ins 9. febr­úar síð­ast­lið­inn á Kaffi­barn­um, að Snæ­björn Brynjars­son, sem gegndi vara­þing­mennsku fyrir Pírata á Alþingi síð­ast í des­em­ber 2018, hafi veist að henni með ógn­un­um. „Það skal tekið fram að ég þekki hann ekk­ert og hef aldrei talað við hann í eigin per­són­u,“ segir hún. 

„Ég stóð á úti­svæði stað­ar­ins og átti þar ánægju­legt spjall við tvo menn, þegar Snæ­björn birt­ist fyrir aftan þá og æpti að mér: „Erna, ég hata þig, mig langar að berja þig,” og skor­aði á mig að mæta sér fyrir utan stað­inn.

Ég svar­aði honum engu en hinir ágætu menn, sem stóðu og spjöll­uðu við mig, sneru sér við, slógu um mig skjald­borg og vís­uðu honum á brott, og megi þeir eiga góðar þakkir fyr­ir. Þeir voru alveg jafn furðu lostnir og ég, því að Snæ­björn væri nú vinur þeirra,“ segir hún á Face­book. 

Finnst þetta eiga erindi við almenn­ing

Erna Ýr seg­ist hafa orðið nokkuð skelkuð eftir þessa reynslu, en eftir að hafa jafnað sig aðeins og hugsað málið í sam­hengi við þá umræðu sem átt hefur sér stað í þjóð­fé­lag­inu á und­an­förnum miss­erum, þyki henni þetta óþægi­lega atvik eiga erindi við almenn­ing, ekki síst í ljósi þeirrar stöðu sem Snæ­björn hefur gegnt á Alþingi.

„Val­kvætt minni hans um ógn­andi fram­komu sína og orð í minn garð, ásamt kjána­legum og ótrú­verð­ugum skýr­ingum sem hann gefur Frétta­blað­inu, gefa til­efni til að efast um dóm­greind hans og hug­myndir um hlut­verk fjöl­miðla í lýð­ræð­is­ríki. Afsök­un­ar­beiðni Snæ­björns, skreytt þeirri auka­skýr­ingu að hann hafi verið „í glasi” er því ekki túkalls­ins virð­i,“ segir hún. 

Mikið niðri fyrir

Í Frétta­blað­inu í morgun var fjallað um málið en þar var rætt við annan mann­anna sem urðu vitni að atvik­inu og er kunn­ugur Snæ­birni. Hann stað­festi að Snæ­björn hefði lýst fyr­ir­litn­ingu sinni á Ernu, verið mikið niðri fyrir en sagði hann ekki hafa hótað henni ofbeldi.

„Ég myndi aldrei hóta blaða­manni, en ég skulda henni samt afsök­un­ar­beiðni fyrir að vera að segja skoðun mína á Birni Inga. Maður á ekki að vera með leið­indi við fólk í glasi,“ sagði Snæ­björn í sam­tali við Frétta­blað­ið.