Íslands­banki, sem er í eigu rík­is­ins, hagn­að­ist um 10,6 millj­arða króna eftir skatta og var arð­semi eigin fjár bank­ans 6,1 pró­sent. Stjórn bank­ans leggur til 5,3 millj­arða króna arð­greiðslu til rík­is­ins, vegna árs­ins 2018. Það sam­svarar 50 pró­sent af hagn­aði bank­ans og er í sam­ræmi við lang­tíma­stefnu bank­ans um 40 til 50 pró­sent arð­greiðslu­hlut­fall af hagn­að­i. 

Kostn­að­ar­hlut­fall, það er hlut­fall rekstr­ar­kostn­aðar af tekjum bank­ans, var 66,3 pró­sent en lagn­tíma­mark­mið bank­ans er að það sé 55 pró­sent. 

Kostn­að­ar­hlut­fall Lands­bank­ans er þó nokkru lægra en Íslands­banka, en var 45,5 pró­sent í lok árs.

Birna Ein­ars­dótt­ir, banka­stjóri Íslands­banka, segir í til­kynn­ingu að afkoma bank­ans hafi verið ágæt. Unnið hafi verið að því und­an­farin ár að nútíma­væða bank­ann og byggja upp ábyrga við­skipta- og áhættu­menn­ingu. „Við ætlum að halda þeirri veg­ferð áfram á nýju ári með því að ráð­ast í stefnu­mótun sem við erum viss um að muni skila sér í enn betri banka til hags­bóta fyr­ir­ ­sam­fé­lagið allt. Við fögnum útgáfu nýrrar hvít­bókar um fram­tíð­ar­sýn fyrir fjár­mála­kerfið sem kom út í lok síð­asta árs sem stað­festir hve miklar umbætur hafa átt sér stað í íslensku ­banka­kerfi á und­an­förnum árum. Hvít­bókin bendir einnig á þunga skatt­byrði íslensks ­banka­kerfis sem hefur fyrst og fremst bitnað á íslenskum neyt­endum og von­umst við til að sjá breyt­ingar hvað þetta varð­ar,“ segir Birna. 

Útlána­vöxtur bank­ans var umtals­verður á árinu eða 12 pró­sent, og námu ný útlán 239 millj­örðum króna. 

Eigið fé bank­ans nam 176,3 millj­örðum króna í árs­lok og heild­ar­eignir námu 1.130,4 millj­örðum króna.

Í skýrslu stjórnar í árs­reikn­ingi segir að efna­hags­reikn­ingur bank­ans sé traustur og horfur almennt jákvæð­ar. „Horfur í starf­semi bank­ans eru góð­ar. Efna­hags­reikn­ingur bank­ans er traustur og eig­in­fjár- og lausa­fjár­stöður góð­ar, bæði í íslenskri krónu og erlendum mynt­um. Arð­semi hefur minnkað síð­ustu ár og það verður krefj­andi fyrir bank­ann að ná 8-10% mark­miði um arð­semi af reglu­legri starf­semi. Eftir því sem hægist á vexti í íslensku efna­hags­lífi þá mun draga úr útlána­vexti og því mikil áskorun fyr­ir­ ­stjórn­endur að auka arð­semi. Bank­inn mun halda áfram að fjár­festa í innviðum upp­lýs­inga­tækni og staf­rænum lausnum og mæta með­ því nýjum kröfum í reglu­verk­inu og bæta upp­lifun við­skipta­vina,“ segir í skýrsl­unni.

Stjórn bank­ans skipa Frið­rik Soph­us­son, stjórn­ar­for­mað­ur, Helga Val­fells, vara­for­mað­ur, Anna Þórð­ar­dótt­ir, Auður Finn­boga­dótt­ir, Árni Stef­áns­son, Hall­grímur Snorra­son og Heiðrún Jóns­dóttir