Tveir dómar féllu í dag í Hér­­aðs­­dómi Reykja­víkur þar sem ummæli um Hlíða­málið svo­kall­aða voru dæmd dauð og ómerk. Ann­ars vegar eru ummæli Tryggva Við­ars­son dæmd dauð og ómerk og hann dæmdur til að greiða tveimur mönnum miska­bætur vegna máls­ins. 

Hins vegar eru ummæli sem birt­ust á net­miðl­inum Hring­braut dæmd dauð og ómerk en Sig­mundur Ernir Rún­ars­son er hinn stefndi í því máli. Hann er dæmdur til að greiði hvorum stefn­enda 250.000 krónur í miska­bæt­ur. Þetta kemur fram í dómnum sem Kjarn­inn hefur undir hönd­um. 

Einnig ber Hring­braut að birta for­sendur og dóms­orð dóms­ins eigi síðar en sjö dögum eftir dóms­upp­kvaðn­ingu á net­miðl­inum www.hring­braut.is, á þeim stað að eftir verði tek­ið, eigi síðar en sjö dögum eftir dóms­upp­sögu, að við­lögðum 50.000 króna dag­sektum fyrir hvern dag án birt­ingar umfram áður­greindan frest. Sig­mundur Ernir þarf einnig að greiða hvorum stefn­enda 500.000 krónur í máls­kostn­að. 


Mikil reiði­alda reis

For­­­­saga máls­ins er sú að Frétta­­­­blaðið birti for­­­­síð­­­u­frétt í nóv­­­­em­ber 2015 undir fyr­ir­­­­sögn­inni: „Íbúð í Hlíð­unum útbúin til nauð­g­ana“. Áður hafði verið sagt frá rann­­­­sókn lög­­­­­­­reglu á tveimur aðskildum kyn­­­­ferð­is­brota­­­­málum vegna meintra árása í fjöl­býl­is­­­­­húsi í Hlíða­hverfi í Reykja­vík í októ­ber. Tvær ­konur kærðu tvo karl­­­­­menn fyrir kyn­­­­­ferð­is­brot í mál­inu og í frétt Frétta­­­­­blaðs­ins sagði að „Sam­­­­­kvæmt heim­ildum blaðs­ins voru árás­­­­­irnar hrotta­­­­­legar og íbúðin búin tækjum til ofbeld­isið­k­un­­­­­ar“. Fram kom í frétt­inni að mönn­unum hafði svo verið sleppt að lok­inni skýrslu­­­­­töku.

­Mikil reið­i­alda reis í kjöl­far frétt­­­­ar­inn­­­­ar, boðað var til mót­­­­mæla fyrir utan lög­­­­­­­reglu­­­­stöð­ina á Hverf­is­­­­götu og menn­irnir voru nafn­­­­greindir á sam­­­­fé­lags­miðlum og birtar af þeim mynd­­­­ir.

Rann­­­­sóknir á nauð­g­un­­­­ar­kær­unum fóru á borð hér­­­­aðs­sak­­­­sókn­­­­ara og lét hann bæði málin niður falla. Annar mað­­­­ur­inn hafði einnig kært aðra kon­una fyrir kyn­­­­ferð­is­brot en það mál var líka látið niður falla.

Sex ummæli dæmd dauð og ómerk

Tryggvi Við­ars­son er dæmdur til að greiða stefn­endum hvorum um sig 350.000 krón­ur, sem og máls­kostnað upp á 800.000 krón­ur.

Ummælin sem dæmd eru dauð og ómerk eru:

1. Hér eru hel­vítis ógeðin sem voru að nauðga og mis­þyrma með sér­út­búna íbúð í Hlíð­un­um.
   
   
2. Þessi viðr­ini voru ekki nafn­greind eða mynd­birt í blöð­unum eins og aðrir með rétt­ar­stöðu grun­aðra og ekki látnir sæta gæslu­varð­haldi á meðan á rann­sókn stendur samt stafar sam­fé­lag­inu meiri ógn af þessum gerpum en þeim sem eru með nokkrar plöntur heima hjá sér.
   
   
3. Endi­lega deilið svo stelpur geti varað sig á þessum stór­hættu­legu ein­stak­ling­um.
   
   
4. Ef þið sjáið þessa fávita endi­lega hifive a þá í smettið ... Menn sem gera svona eru ekki að byrja sinn nauð­gara­of­beld­is­fer­il.
   
   
5. Í frétt Pressunn­ar: ... Ef það tekst að hindra þó það væri ekki nema eina nauðgun í við­bót af hálfu þess­ara manna þá er mark­mið­inu náð.
   
   
6. Athuga­semd við Face­book-­færslu: Magnús ég hef sögur frá fyrstu hendi frá fleiri en þessum stelpum sem þeir náðu að nauðga og mis­þyrma og á meðan þeir ganga lausir eru þeir hættu­leg­ir.
   
   

Þrenn ummæli dæmd dauð og ómerk á Hring­braut

Ummælin sem birt­ust á net­miðl­inum Hring­braut sem dæmd eru dauð og ómerk:

• „Komið í veg fyrir þriðju nauðg­un­ina“
  
  
• „Sú saga gengur meðal nem­enda Háskól­ans í Reykja­vík að menn­irnir sem grun­aðir eru um að hafa nauðgað tveimur konum hafi haft fleiri fólsku­verk í hyggju. Naum­lega hafi verið komið í veg fyrir þriðju nauðg­un­ina.“
  
  
• „Þriðja unga konan hafi sloppið naum­lega þegar hennar kær­asti hafi náð að sækja hana.“